فوق هام السحب ( الشعر الشعبي) على متن القوافي

‏المرتجي من خالق الناس ماضاع
‏والمرتجي رزقه من الناس ضايع
‏
‏لاتشتكي للناس من ضيق الاوضاع
و‏اكسَب غناة النفس لو نمت جايع

...

‏عوى الذيب ياساري وباقي الأمل يحداه
يدلك عوي الـذيب في الحل والترحال

عوى الذيب في ديرة عرب ماتعرف عواه
يسوقوا شهاب الموت ماودهم خيال

سقى الله ديار البدو لو حط صادق ماه
مرابع تعز الضيف لو اتشحشح المكيال

عزيزة على الشيبة وعندي كبيرة جاه
عساها على القوة ولا ضامها العيال

....

‏الناس من حولك يشوفوك مرتاح
ويحسدوا حظك اذا كنت رايق

مايدروا ان النفس مليانه اجراح
والقلـب من كثر المواجيع زاهق

حال البشر نظراتهم عكس ياصاح
مايشعروا باللي خفته الحقايق

يقيموا وضعك على ضحك وامزاح
ولو كان قلبك داخل الصدر ضايق

....

ان ضاق صدرك بين هم وحاجه
‏لاتبدي اسرارك على غير موثوق

‏ولو كل من يمرض عرفنا علاجه
‏ماضاعت الدنيا ولا مات مخلوق

....

يارب الأحلام وأحلامي تحدّاني
‏مالت على يدي وأزريت أحقّقها

‏ارزقني الفرحه الّلي يوم تغشاني
‏أحتاج فتره طويله لين أصدّقها

....

تطري مع السجه هواجيس وعلوم
وانا من الهاجوس ماني بخالي

ياسجة البارح ويا سجة اليوم
مدري متى يرتاح قلبي وبالي

....

‏تفاءلوا بالخير ياتيكم الخير
ماللحياه بدون الآمال قيمه

َالصبر مفتاح الفرج والتباشير
والياس مفتاح الحزن والهزيمه

....

الكلمة الزينة على الراس والعين
والثانية في صفحة اللي نطقها

المنبت الطيّب يجي منتجه زين
ولاّ الخبيثه بيّنه من ورقها

....

يارب لي في صفحتي أحباب
الطيب منهم كل الأيام عادة

افتح لهم يارب في جنتك باب
واكتب لهم في كل لحظة سعادة

بقلمي

هات الغلا والحب والصدق والشوق
وهاك الغرام اللي ندر في زمانه

بعطيك قلب ٍفي سما الحب مرموق
وعطني شعور سامي في مكانه

....