فوق هام السحب ( الشعر الشعبي) على متن القوافي

محدن عليها بسالي والحياه ماتدوم
كم وأحدن غثّته وكم واحدن سرّته

ارفع يدينك لربك من يزيل الهموم
اللي جميع الخلايق ترتجي رحمته

....

خذني من العالم المزحوم واسرقني
ياموطن افراحي وياهادم احزاني

لو العمر ينقسم قسمين صدقني
لأعطيك الأول وأحبك موت بالثاني

....

يعجبني اللي فاهم ويفهم الناس
‏وليا سالته قال ما اوحيت ماشفت

‏تقول ماعنده مشاعر ولا إحساس
‏متغابي وساكت وهو يفهم الكفت


من الذكاء احياناً تسوي نفسك غبي

بقلمي

أكتب شعوري وسط شعري لو تبي
وارسم خيالك وسط قيفان الشعر

أنت الهوى والشوق وغاية مطلبي
أنت الحياة أنت العمر أنت العطر

....

‏عن شعور التجاوز يقول عبدالله السراهيد :

‏البارحة ذكرتك وما تبسّمت
‏ يبدو علي إني بديت اتخطى

يا مساء الخير وهبّات النسيم
ويا مساء النور ونقول السلام

السعاده رزق والمعطي كريم
أسعد الله قلب من رد السلام

بقلمي

‏لو أدري إن الروح ياصاحبي تكفيك
‏أرسلت لك روحي على باب بيت

‏ولو الغلآ بالقلب ياصاحبي شيك
‏گل الغلا إللي برصيدي عطيتك

....

‏قلي صراحه عليك الله علمني
وش خافي احساسك المبهم وتاليته

كاتم شعورك وهذا اللي مجنني
لاخفيت عني شعورك لي ولا ابديته

ويش اجبرك بس حاكيني وكلمني
كل ماتقرب شعوري منك صديته

قول الصراحه فديت امك وطمني
اما سكوتك ورب البيت ما اقويته

....

‏أو ليتني طيفٍ يزورك بممساك
وأشاهِدك وأقول يانفس طيبي

بالحيل أحبَّك وأعشقك وأتمنَّاك
يشهد على ما أقول دمعٍ سكيب

....

‏انا لو ينسّيك الزمن ماني بناسيك
محبتك قصه ما اقدر اكتب نهايتها

لو الوقت يرجع قبل اعرفك وقبل اجيك
وقبل الهقاوي تنثني دون غايتها

بـ أروح انتظر ف أول مكانٍ جمعني فيك
وبـ أعيد تجربتي معك من بدايتها

....