فوق هام السحب ( الشعر الشعبي) على متن القوافي

‏ياعاشق الدنيا تراها محطات
تعيش في ديره وتفنى بديره

لاياخذك طرد الهوى والملذات
اذكر محطات الحياه الاخيره

بقلمي

ياحروف الشعر وابيات القصيد
انشدي عنه وداري لهفتي

ارسلي حرفه وحرفي من جديد
خلي ابياته تعاند وحشتي

....

‏للقلوب أقفال وللماضي حنين
ومن معه مفتاح قلبي ضيّعه

لاقدرت أبوح بالسر الدفين
ولاقدرت أشكي من اللي أوجعه

....

‏قال الوفا بين المحبين موجود
والشوق خصلة من خصايل وفانا

القلب لو مشغول بالحب مردود
يطري علينا بكل لحضه هوانا

....

‏أبشرك سكرت من دونك الباب
ولا عاد يشملك السكن والضيافه

اسلم وسلملي على كل من غاب
الخاطر اليا عاف له شي عافه

....

من يصون الود له مني سلام
ومن نساني ياعسى ربي معه

الهوى لاصار مافيه احترام
مايناسبني ولا احب اتبعه

....

مايفيد الوجه لوفيه الجمال
إذاجمال الروح معدوم الأثر

ومايفيد القول من دون الفعال
ولايكون الفعل إلا لو ظهر

....

‏قل للقلوب إللي تحدك على اقصاك
إنك معي لوشمس الاحلام غابت

وقل لليدين إللي تبي لمس يمناك
إيديك نامت في يديني وذابت

....

‏ليتك معي محتاج لك كل ساعه
حتى وانا مابين نفسي وبيني

من الوله ماعاد فيني أستطاعه
أتخيلك في كل لحظه بعيني

....

‏الزمن مشكور كثّف لي دروسه
وانت من ضمن الدروس وْلا جهلته

حُبك اللي قد جرح قلبي بَـ موسه
عن سبب جرحه بَموت ولا سألته

ماهقيت الحب تتعبني طقوسه
لين جربته وعفته واعتزلته

....