فوق هام السحب ( الشعر الشعبي) على متن القوافي

الطيب للانسان مثل المناعه
يستخدمه لمكافحة بعض الامراض

واكبر مرض واجب علينا انتزاعه
الحقد والغيبه وتشويه الاعراض

....

‏مافيه مثل العافية ستر وغناه
‏إن جات للمسلم تراها كافية

‏كم واحدٍ يطلب ملذات الحياة
‏وإذا مرض مايطلب الا العافيه

‏بعض العرب طبعه صراحه يحيّر
‏اليا تركته جاك وإن جيت خلّآك

‏و بعض العرب مثل الذهب ماتغيّر
‏مادام له عندك قدر صعب ينساك

....

‏ماكل من يضحك سعيدٍ بدنياه
‏وما كل من يبكي دموعه حزينه
‏
‏احدن بكى والكل يدري عن بكاه
‏واحدن مع الضحكة تحس بونينه

....

ماني بحاجة ناس ما عندها احساس
انا بحاجة شخص لاطحت جاني

ياكثر مانسمع ترى الناس للناس
بس الحقيقة طبع هالناس ثاني

....

‏بعض البشر لاغاب عن ناظر العين
احس كل الناس في الكون راحت

وبعض البشر لو غاب ايام واسنين
ما اشتاق له قلبي ولا النفس ناحت

انا اشهد ان البعض ماله شبيهين
بافعاله اللي مثلما الطيب فاحت

غالي وحُبه حل بين الشرايين
ومكانته وسط القلوب استباحت

....

ماتوقف الدنيا على غيبة انسان

شف المقابر كم بها ناس غالين

الحر مايرضى على نفسه الميل
‏
وإن كان شانت باعها ما شراها

ترا الوفا بقلوبنا ماله اسباب
‏
فطرة خلقها الله وصارت طبيعة

‏لك من مسائي وانفاسي نصيب
وكل احاسيس قلبي فيك حيه

أشغلتني وكيف عن عيني تغيب
وطيفك معي ومشاعري لك