فوق هام السحب ( الشعر الشعبي) على متن القوافي

أحدن على شانه تجوز المشاريه
‏واحدن تعدى بالخطايا حدوده

‏ومن لايعزك لاتعزه وتغليه
‏ومن لارفع قدرك تجاهل وجوده

....

الشعر من صدق المشاعر سرى لك
والقلب من نبضه كتب لك حروفه

من وحشة غيابك تعنى وجالك
ماردته بالوقت كثرت ظروفه

....

رسالتي لك....

إقترب من الذين يشعرون بك
يفهمون صمتك
يحتوون قلبك في لحظات ضعفه
مَن يشاركونك كسرتك
أولئك الذين يحسنون الظن بك
الذين لايتصنعون الحب
والذين إذا تغير مزاجهم
لاتتغير مشاعرهم أبداً

بقلمي

خلك كبير وخل عنك الملامات
لاتشغلك ناسٍ تعيش بجهلهـا

عين الصغير تشيل همّ الصغيرات
وعين الكبير تشيل دنيا بأهلها

....

‏دنياك ياصاحبي حظوظ ومقادير
‏تضحك معك والله يعينك عليها

‏ناسٍ بقوة حظها تطرح الطير
‏ وناسٍ تطير طيورها من يديها

....

‏لو شلت هم مايشيله جبل طي
‏حذراك لاتبدي على الناس سرّك
‏
‏من قال لك وش فيك قل له ولاشي
‏ومن قال كيف الحال قل له تسرّك

....

اما تجي خوه على العز والطيب
ولا المصالح طيب راسي رفضها

الذيب ميت جوع ماياكل الذيب
والا الضباع أضباع تاكل بعضها

....

‏ذبحني غيابك يامن الروح لك بيت
والقلب فاقد لك من اعماق ذاته

بكيت من بُعدك عليا وونيت
ونت مصاب اليآس دمر حياته

في كل لحظه لاذكرتك ووليت
اصيح لك من قلب واضح شتاته

فيك الامل ياللي في القلب حليت
وانت السلا للقلب وانت امنياته

....

‏وتين قلبي تمنى ملاقاك
مشتاق لك بالحيل ودي اشوفك

ياكم سهرت الليل وانا تمناك
ودي بضم ايدك وضمة كفوفك

قلبي غدا في نار من عُقب فرقاك
والعقل متلهف يعانق طيوفك

والروح مشتاقه لطله محياك
والعين ولهانه تمنى تشوفك


....

‏ياعين نامي مابقى لك من الليل
لاتحترين اللي مـن الخلق ناموا

اظن مالك من وراهم محاصيل
ولا ظنتي حسوا بشوقك وقاموا

ياشوق والله مابقى داخلي حيل
من السهر واصل عيوني تعاموا

....