فوق هام السحب ( الشعر الشعبي) على متن القوافي

‏عيش بـ صراحه وإبتسامه وطيبه
وتصير لـ أجلك معظم الناس عشاق

إنك فقير المال ماهي مصيبه
بس البلا لاصرت معدوم الأخلاق

....

‏عاد المساء والقلب ينبض مساء خير
عسى يدوم الخير دائم عليكم

والمعذره لو تلمسوا أي تقصير
مني فانا منكم وعائد إليكم

أسعد مساكم ماسبح بالسماء طير
يامن فؤادي بالوفاء يحتويكم

إليكم مع التحية

‏دايم أقول الحب عنوان إلانسان
مآهو قصدي حب نظره وعلاقه

الحب تعطي والعطا فيه عنوان
وإنك تعامل من تحب بلباقه

....

صديق وافي معك انصحك لاتخسره
لان الوفي لاخسرته ذا الزمن تندم

لاغاب فجاه تضل العمر تتذكره
وتذكر انك خسرته دون ماتعلم

وراعي الطيب والمعروف لاتنكره
من يفعل المعروف قله دايمن تسلم

ون شفت النذال تتامر عليه اخبره
ووقف معه ساعة الشده بليل اضلم

....

دام الغلا ف القلب ما اقدر انساك
ودام الهوا بتنفسه مانسيتك

قلبي اخذته والمشاعر بيمناك
والنبض لك ياروح روحي عطيتك

كيف اتركك والقلب دارك ومئواك
والروح منزل لك وقصرك وبيتك

ياجعل قلبي ياغلا الروح يفداك
وبكل غالي ياحياتي فديتك

....

مدري علامي ضايق والقلب تعبان
ابعد عن همومي وهمي يجيني

كني انا والجرح ياناس خلان
أعانق الفرحه وهي ماتبيني

....

‏شفت فيك من المحبه ما يزيل اتعابي
‏وضعت ماعينت شيٍ فالحلا يقرب لك

‏ومن كثر مازاد حبي بك وزاد اعجابي
‏كل حاجة في الخفوق من الغلا تفدا لك

....

إن حداك الليل بالسيف الشطير
ابتسم له غصب كانك هازمه

وإن رماك الهم فالبحر الغزير
صب له فنجان وكنك عازمه

....

ماكل من غابوا عن العين ينسون
البعد مايرخص من الناس غالي

ولو ألتهينا أحبابنا مايهونون
ويبقى الغلا لو فرقتنا الليالي

....

‏تمطر مشاعرنا من الود مالاق
لاهل النفوس الطيبة والانيقة

اللي غلاهم في صميمي والأعماق
ومكانهم وسط الخفوق العميقه

يسعد مساكم بالمحبه والاشواق
واطيب ورود الكون واجمل رحيقه

خطيتها من هاجسي فوق الأوراق
مني لكم يا اهل القلوب الرقيقه


اليكم مع التحية