فوق هام السحب ( الشعر الشعبي) على متن القوافي

يانفس في جور الاوادم سامحي
الوقت يمضي والجواري كايده

بعض الاوادم مثل بنك الراجحي
مايخدمك ياكود عندك فايده


فايز المنصوري

يارب ترحمني وترحم ضعفي
ياواحدً طاعتك فرض وسنه

عبدك وابن عبدك وتعرف ضرفي
وانت الكريم اللي ماحولك منه

آليا رضيت ارضاك وحده يكفي
سعادةً الدنيا ودخول الجنه


فهد حزام

فزتوا علينا بالردى يالرديين
ولا عاد دون حلوقنا الا يدينا

لكن فالاخلاق والطيب والدين
ان كان فيكم خير فوزوا علينا


عبدالرحمن القوس

لاتمدح الرجل لين تبين افعوله
واحذر تبالغ لمدحك فيه بزياده

لاصرت منت بخوين دايماً حوله
ولانته بجاره شريك لملحه وزاده

الناس تدري وش المعقول وتقوله
يجيك من يقلعون الطنب باوتاده


سعد

ياغيّاث الضوامي والثمام وجرهدي البيد
أعذني من جهنم والحشر والموت وكروبه

أنا مانيب لامشرك ولا فاسق ولا عربيد
أنا اللي لاعصى وأخطا تجهّم وأقلقه ثوبه

أنا عبدك ولد عبدك وجداني هل التوحيّد
خطاياي أخجلتني يالله الغفران والتوبه


نايف صقر

اليوم جمعة وافضل ايام الاسبوع
اجمع نوافلها بعد واجب الفرض

الغسل والمسواك والطيب مشروع
ونقل الخطى ماشي على صيهد الارض

واطلب رضا ربك مع ايات موضوع
حتى تفوز برحمته ساعة العرض


خالد العوفي

الوقت هذى تغير ماصفى جوه
مافيه مرتاح كلٍ صاير يعاني

يبغى سليط لسان وعنده جروه
وقليل الدين طبعه طبعه نصراني

من يامنه يعتبر خايب طفى ضوه
ماعنده ادراك يمكن صابه جناني


زايد بن محيا

انا الطرقي اللي ماذخر للزمن مخباه
زهد في زهابه من رغيفه ليا تمره

رهن مابقى لأحبابه الوجه قبل الجاه
بعد ما استخار وسلّم براحتيه امره

كريم الشعور ادناة حاجه تجيب اقصاه
وكثير المسامح لا ابتلوه ابتلى عمره


م

ياذيب لاتجذب عليَّ الذيابه
حوِّل وأنا بابدي على الرجم ياذيب

ياذيب أنا لي وقفةٍ وانقلابه
رجلي مضرِّيها بروس المراقيب

الذيب خاوىٰ من عصور الصحابه
له خوِّةٍ تصدق مع أهل المواجيب

بديت أنا في راس رجمٍ عوى به
وأبكي بدمعٍ غرَّق الكمَّ والجيب


خلف بن هذال

يزول التطبع والطبيعه ماهي تنزال
ومن ركب طبع غير طبعه غدى حوسه

لو إن المراجل بالتجارة وكثر المال
كان أقفى عليها تاجر المال بفلوسه


ناصر بن علي ال حمده