اخترنا لكم

‏من حسنها غنّى لها الأبكم على وصف الكفيف
‏ما بالكم في مبصرن يدرك جمال اوصافها

.....

‏البارحة ما هملج الطرف بنعاس
‏وما فاض من نجمٍ عيوني تخيله

‏لا باس يا عيني على السهر لا باس
‏على وليفٍ فات ما القى مثيله

‏يا ونّتي منها المعاليق يبّاس
‏صبري قضى ما باقي الا قليله

‏صبرت صبرٍ صابني منه وسواس
‏صبرٍ له النفس العزيزة ذليله

.....

‏من راح جعله مايعوّد إليا راح
‏خلّ الغشيم يلاعب الريح خلّه

‏دام القلوب صحاح والخطّر صحاح
‏ماني على ما قيل طرّاد زلّه

‏ياعنْك صدري ما تضايق ولا فاح
‏من جا محلّه سدّ فرجة محلّه

‏من راح تومي به على خفّ وجْناح
‏إكسر على فرقاه فنجال دلّه

.....

‏ياحبيبي لا تخاف من السحَايب
‏لا تروّعك المزون المستهّله

‏المطر ما يعشقه غير الحبايب
‏وابله لا هلّ يبري كلّ علّه

.....

خليني شوي مع نفسي ومع همي
‏يمكن مع العزله القى ما يداويني

‏وان كان طوّلت بغيابي ولا جيتك
‏تكفين تكفين لا تروحي وتخليني

‏وان كان ماعاد لي قيمة في عيونك
‏في بالك أرجوك خليني لا تنسيني

.....

‏سامرت طيفك على ضوٍ تواقد سناه
‏وثنتين لا جات مع طاريك يازينها

‏النار ملح الشتا والبرد ملح الحياه
‏وأنتي حياة القلوب اللي تمرينها

.....

‏ما للزمن في حزنك وفرحتك راي
‏عش يومك وقلبك بالاقدار راضي

‏واللي يقول الماضي احلى من الجاي
‏قل له مصير الجاي بيكون ماضي

.....

لا تضيق مْن الهموم ولا تعسّر
‏راحة المسلم برفعة راحتينه

‏أفتح القرآن واقرا ما تيَسّر
‏لين تنزل لك من الرحمه سكينه

.....

من ناتج الدنيا ومن واقع الناس
‏تدري وش اللي عن قناعه طرالي

‏شطرٍ مدون للسديري بالألماس
‏المستريح اللي من العقل خالي

.....

‏لا بغيت الطيب يالطيب يطيب
‏لا تدور بالعطايا الحاسبه

‏ولا بغيت العلم ماراسك يشيب
‏دور الخال العيال وناسبه

.....