فوق هام السحب ( الشعر الشعبي) على متن القوافي

يالله انك تعين .. و يالله انك تكافي
‏من شمامغ خلقك و الوجيه المصده

‏ افرج اللي عليك اليوم ما هو بخافي
‏و انصر اللي لحاله و اغبر الوقت ضده

‏رغم مر الليالي و السنين العجافي
‏ياخذ الوقت حقي و اعتزي و استرده

‏ما شكيت لهروج ولا ترجغ هافي
‏ الين صار الرخا عندي عواصيف شده

كل ما طال ليلي و اشتكاني لحافي
‏ارتقص و الحق لحافي مصير المخده

‏ما خلقنا لنوم فوق دغباج دافي
‏دايم نفوسنا للكايده مستعده

‏شيّب الراس لكن ما بعد شاب قافي
‏كل يومٍ و سيف الشعر يزداد حده

‏لو غزتني همومي ما تراجع و اخافي
‏همٍ نطعن حشاه و همٍ اخر نقده

لا تزيد الحسايف يا خلف جدي
‏خالق الخلق ما ينسى مخاليقه

‏هي مثل ما تقول ايام و تعدي
‏يا كثر ما تعودنا على الضيقه

‏لو تشوف الليالي وقفت ضدي
‏لذة الحلم في جمعه و تفريقه

البارحه تحتريك النود
‏يامجسر النود للمسرى

‏عينت قلبى قليل الفود
‏مالي خبر فيه وانت ادرى

‏إليا تذكرك زاد لهود
‏وان سج في سيرتك هذرى

‏وان جيت يمي رقيت سنود
‏والساعه اللي ماهى قشرى

‏وان غبت ماكن احد موجود
‏لله ولا كن احد يطرى

‏هيّف على قلبي الملهود
‏ان مابرى منك مايبرى

ريح الصبا وأن حملت رْضاي وأتعابي
‏لا تضوي ألّا ضرورة جيّتك قصوى

‏مسايفٍ عن تصدّع غرفتي؛ بابي !
‏خايف يكون لْشقوق جْدارها عدوى

‏الله يجمّل بقاي .. ويغفر غيابي !
‏أن صار لي فالقلوب الطيّبة مثوى
‏
‏تعمُّد الوقت يطوي سيرة أحبابي؛
‏أكّد لي أنّ فيه يوم لْسيرتي تِطوى

يا دربٍ من طمأنينه مثل دعوة رضا وآمين
‏وقلب أشوف به ربعي وكل أصحابي والخوه
‏
‏جيت بوجهك الواحد ووقفاتك عن العشرين
‏وخابت ناسٍ بـ عيني ولا قد خيّبت لي هقوه
‏
‏ياعلّ يفدى تبسامك ردي القوم أبو وجهين
‏بوجه همومي بسماتك ذخيرة قلبي والعزوه

لو جهلت بكل حاجه ما أجهلك
‏بـ المحبّه ما يصحّ إلا الصحيح
‏
‏ما وصلت لـ هالرضا قبل أوصلك
‏كنت أشوف العُمر من قبلك شحيح
‏
‏لو سمح لي صوتي إني اسألك
‏بسألك ليه العُمر جنبك فسيح ؟
‏
‏كل ما هبّت ظروفي .. مِلت لك
‏وكل مرّه استند بك قبل أطيح !

ماخلقنا الله نزيد الطين بله
‏قل فرقنا عن عباد المستديره
‏
‏ولاتمرجلنا على شاهي ودله
‏ولاتهقوينا وهقوتنا قصيره
‏
‏والصراحه في بعض لاحيان عله
‏والكذوب امثال واحباله قصيره
‏
‏واحدن ماينفع اللي منه خله
‏خله ودور على رجال غيره
‏
‏من كثر ماسمجو والنعم والله
‏قمت احس ان ونعم كلمه حقيره

قالوا حبيبك يسمع الشعر قلت إيه
‏يقراه بعيوني قبل تسمعونه

‏لولاه حتى طاري الشعر مابيه
‏مير اكتبه من شان خاطر عيونه

‏هو روح شعري وامنياته وماضيه
‏جذع الشجر وش كان لولا اغصونه

‏اكتب لغيره والقصايد تجي فيه
‏كن القصايد حالفه ماتخونه

اخذي حياتي كلها وعمري الجاي
‏ومري مع كل الليالي وطوفي

‏لو اقدر افتح لك ضلوعي بيمناي
‏خليتك بعينك تشوفين جوفي

‏واقول وإحساسي يردد من اقصاي
‏هذا مكانك داخل القلب شوفي