فوق هام السحب ( الشعر الشعبي) على متن القوافي

‏أخذ النصيحه لاتخلي صلاتك
احرص عليها قبل ينقال محروم

أجمع حصيلك قبل موعد مماتك
الموت لامن جاك ماعاد لك يوم

....

‏لاتشتكي للناس لاضاق بالك
الناس ماتملك مسره ولا ياس

الناس مثلك حالهم مثل حالك
والكل من مر الليالي شرب كاس

....

‏ان طالت الدنيا وجيناك زوار
احفظ عهود الود ياكامل الزين
ٍ
وان حالت الايام دونك والاقدار
من عادة الدنيا فراق المحبين

....

‏ياطير في عالي سماك ايش الاخبار
هل من خبر ياطير للي عشقته

ذاك الذي له داخل القلب مقدار
بالله هل ناظرت زوله وشفته

لامر لك قله انا حيل منهار
من كثر غيباته ترى العيش عفته

وقله انا عايش بدونه على نار
وخايف اموت بيوم ماقد نظرته

....

‏الحب روعه بين عاشق ومعشوق
والصدق فوق الوصل نقطة نجاحه

وانا اشهد ان العشق له لذه وذوق
اذا اجتمع حبل الوفاء والصراحه

....

‏الجفا مثل الشتا برد وصقيع
والمواصل للقلوب أحلى دفاء

إن شراك الخِل أبداً لاتبيع
المحه عهد والدنيا وفاء

....

لو اشوف اشبـاهك بكل الدروب
انت واحد ماتكررك الحياة
....

كلن بهذا الزمان يقول أنا الطيب
والطيب اللي يفك الناس من شره

بقلمي

الكلمة الصادقة لو تجرح المخطي
أحسن من الكذبة اللي تستر عيوبه
....

الذكريات اللي تميته وتحييه
‏تناوحت قلبه وهو في محله

‏ايلين بانت في عيونه خوافيه
‏كنّه يدور بينهم غايبٍ له

....