فوق هام السحب ( الشعر الشعبي) على متن القوافي

‏غيرك تطمن بالحشا مابعد داج
‏وضعي ووضعك للبشر ماشرحته

‏للقلب باب ودون الاضلاع مزلاج
‏عن حب غيرك قافله مافتحته

....

‏ياقصب سكر نبات شفاك يامحلاه
ياعناقيد الثمر في نهرك الجاري

ودي اقضي كل عمري بس انا وياه
معه ياحلا كل مشواري مع اقداري

....

‏انتي وطن شاعر يحبك ويغليك
وانتي اميرة كل شعرٍ يقولة

دعيت ربي في صلاتي*يخليك
ياجمل سنين العمر واحلى فصولة

....

‏لعيونك اكتب حرف واصد عن حرف
من خوف لاتجرح حروفي شعورك

مافيّه احد يسواك ياناعس الطرف
ولافيه احد عندي يساوي حضورك

....

سود الله لحيتي يوم اترجى واتحرى
احسبن عيال خلق الله تبي تقضي لزومي

الرفيق اللي عن ايام الشتاء فيه اتذرا
عقب الرفقه وراه وعارض الخط العمومي

صاحبٍ ماهوب ياقف معك في سرا وضرا
لاتجي قدمه على المفرق وتاقفله وتومي


دسمان بن مناحي

لاتعبد الحلم والدنيا قصيرة
ولا يصيبك يأس لكن لاتشفّق

وكل مافاتتك فرصة قول خيرة
الهدف ماحققه سعي المطفّق

والحظوظ تطيب من طيب السريرة
والنوايا البيض راعيها موفّق

....

‎مسائي عيونك وطلة محياك
‎وعطرك ونفح الورد من ياسمينك

‎وحكيك ومعسولك وبسمة شفاياك
‎والشوق لمصافح يميني يمينك

....

في خاطري شيٍ والأيام قدام
‏اما خذاني الوقت ولا خذيته

....

نمشي على النيات مانحمل الكيد
ونفوسنا من فضل ربي سليمه

ناخذ ونعطي دون نقصٍ وتحديد
عوايدن طول الليالي مقيمه

‏إنتي الغلا يا اروع الخلق والناس
‌‎وإنتي السوالف بين نفس وبيني

‌‎دايم على بالي ولكِ شوق وإحسا‌‎
ولا زلت اشوفكِ وين ما احط عيني

....