فوق هام السحب ( الشعر الشعبي) على متن القوافي

‏انتِ المرباع والقايده والاتجاه
‏واخر الامال واكبر هدف واول طموح
‏
‏قبل اعرفك ماعرفت الوضيحي والمهاه
‏ولا اعرف ورقاً تغني ولا ورقاً تنوح
‏
‏بايعً لـ اجلك حياتي وانا احب الحياه
‏الحياه بدووونك اشر من روحٍ تروح

....

والله ان الغالي اللي صد وجهه عنا
‏لابغيت اروح صوبه نفسي الي عيّت

‏كيف نركع للمقّفي في الحياة وحنا
‏ ماركعنا للمقفي في صلاة الميّت

....

‏عليك الغلا والشوق ينساق لك بإهدار
‏أساس المشاعر انت يا سيّد اشواقي

‏فدا طلّتك قدامي الدار واهل الدار
‏ابيع العمر كلّه فدا حْضورك الراقي

‏أنا كلّما شفتك نبت فـ ضلوع ازهار
‏دخيل العيون الناعسه ترخي وثاقي

‏وش الحب لولا طلةٍ تخطف الانظار
‏من المبسم الآسر مغيبي ومشراقي

....

انت عندي بدت العالم لحالك عالم
‏اتعايش فيه قدام الملا واعيشه
‏
‏والله إن عذرك سمين ورد عذرك والم
‏وإن مواطيها على قلبي مواطي ريشه
‏
‏دامها ماهيب في الشكات راسك سالم
‏اخير من الخوض في موضوعنا تطنيشه
‏
‏ماقدر اصخي بك سوا مظلوم ولا ظالم
‏امحق ارضٍ تفقدك وامحق حياة وعيشه

....

‏تطول المساري مير راع الهوى مفضوح
‏عيون الطواري تنتبه له وهو سارح

‏يصد الامان ويقبل الخوف والمجروح
‏ماهو خايف من الجرح خايف من الجارح

‏يقول الموادع بعض الاحيان طلعة روح
‏واقول الحياة بكبرها ماتت البارح

....

‏ياسيّد الليل لاغابت مصابيحه
‏يمَّل بك انك على الهقوه ويمَّل بي

‏والحب ماجض منه الا مجاريحه
‏اللي هواهم عفيف وحظهم سلبي

‏قد تبت منه وردّتني ملاويحه
‏وانا على جرف وادنى مايميّل بي

‏الله معك وان حداك الوقت للطيحه
‏تحد كل الظروف وطح على قلبي

....

‏دام السماء لله ماضاقت الأرض
‏ماني من دروب المقادير جازع

‏لي موعدٍ مع ليلةٍ نجمها الحظ
‏ أشوف فيها ماتمنيت واقع

....

‏الناس ماهم كل ابوهم مطانيخ
‏الله مقسمهم فصيلة فصيلة
‏
‏احيان تلقى لك قبيلة بلا شيخ
‏واحيان تلقى شيخ يسوى قبيلة

....

‏ريح المطر ينعش صدورٍ مغاليق
‏والغيم يجعل كل مهموم رايق

‏تباشروا بالخير كل المخاليق
‏من يوم جاله في سمانا حقايق

....

‏صكوك الجمايل فـ النشاما مسن سيوف
‏مادام السنافي بين وقفة وترحيبة

‏تقدم على درب القدا والعيون تشوف
‏سهوم الليالي تخطي الكفو وتصيبه

‏ترا شرهة اللي لاجمالة ولا معروف
‏مثل منّة اللي ماعطى شي من جيبه

....