فوق هام السحب ( الشعر الشعبي) على متن القوافي

دلهنا واثر بعض الطواري عدو الخير
تضوي على قلبي مواقيف تمرضني

انا كن قلبي صار تامين ضد الغير
يعوض قبيلي بس انا مايعوضني

....

: وقفنا عند بابك مالنا مطلوب غير رضاك
معاصينا كبار وعفوك اكبر من معاصينا

بقلمي

لاتنتضر من ناقص العقل حكمه
ولا تنتضر من فاقد المرجله خير

ولايغرك في الردي لمعة اسمه
الريش ماطير نعامه وهي طير

....

جرحن جرحني وجارح الجرح جراح
يجرح جروح الجرح والجرح مجروح

...

‏صدق المشاعر تصنع إنسان شاعر
‏والناس تقرأ وش كتب في جديده

‏عينه تشوف إن القصايد مشاعر
‏وانتم تشوفون المشاعر قصيده

....

‏تبي النصيحه يالمتابع وانا اخوك
قدم لدينك شي يرفع مقامك

ارض الولي ومن ثم اثنين جابوك
عطهم جميع احقوقهم واهتمامك

بقلمي

‏قال الماورديُّ رحمه الله
اعلم أنَّ ‎الكريم يجتزي بالكرامة واللُّطف
واللَّئيم يجتزي بالمهانة والعنف
فلا يجود إلَّا خوفًا
ولا يجيب إلَّا عنفًا
كما قال ‎الشَّاعر:

رأيتك مثل ‎الجوز يمنَع لبَّه
صحيحًا ويعطي خيره حين يُكْسَر

ادب الدنيا والدين

خارج الصندوق...

الحيلولة والقيلولة والعيلولة

الحيلولة : هي النوم بعد صلاة الفجر
وهي تحول بينك وبين رزقك

القيلولة : هي النوم بعد صلاة الظهر
مدة 30 دقيقه وهي مفيدة للصحة الجسم

العيلولة : هي النوم بعد صلاة العصر وهي تسبب علة للجسم والنفس وضيق الصدر

بقلمي

‏يوم الأيام السعيده علي متتاليه
‏حيّها مزين ظماها ومزين جوعها

‏راحت أيامٍ و مرّت علينا غاليه
‏يوم حنا في رجاها يعود رجوعها

‏تايهٍ في مجتمع ذا السنين التاليه
‏عالمٍ متغيرٍ سلمها و طبوعها
ِ
....

‏من يوم ودّعتك وانا ماني مرتاح
‏يالله عسى النعيم يلازمك في قبرك

‏ماطاحت الدمعة إلا كلّ حيلي طاح
‏ولاغاب عنّا طاريك ولاغاب ذكرك

‏يالله عسى روحك من العنا ترتاح
‏وعساك بأعلى جنان ربي مستقرّ

....