للعيد فرحه

للعيد فرحة في عيون أكثر النـاس = وأكيد بعض الناس ما يعرف العيد

معروف يوم العيد تتعارف أجناس = لكن أنا عايش مع همومي وحيـد

هذا شعور داخل القلب وإحسـاس = ما هو كلام ينثـره زيـد وعبيـد

والعيد مر وصاحبـي زوّد البـأس = والمشكله ما قال لي عيدك سعيـد

أنا بعد فرقاه في حـال هوجـاس = يزيد هوجاسي وأنا جرحـي يزيـد

ولا تجمّل دز لـي منـه قرطـاس = رسالةٍ حلـوه علـى قلبـي تفيـد

ولاّ رفع لي هاتفه وأقعـد الـرآس = اللي كلامه يذهـب الهـم ويبيـد

في بعده أصبح ضايع الفكر منحاس = وإذا حضر تسمع لطيـري تغاريـد

وهذي حياتي بعدما صابني اليأس = أنا بعيد ومن عشـق قلبـي بعيـد

وأنا أطلب المولى يرده على أساس = أعيش أنا وإيـاه وأعيـد ويعيـد