«الليل طال» 💜

«الليل طال»

محمد الغرير

الليل طال وبيننا الصمت قد ساد
واللي دلْه.. وشلون يسهر ويوله؟
الجرح لا أبطى صارت أيامه ضماد
والخل لا أبطى صار فاقد قبوله
واجب علي آلقى أنا لعيني ارقاد
وممسى يجنّبني مراواة زوله
صعب الليالي المبطيه ذيك تنعاد
يوم الوله.. له صدق صوله وجوله
قرادة الوافي إلى حبّ.. جحاد
وافنى حياته له ولا هوب حوله
ومرت سنينه بين صدّ وترداد
والهم يبّرك فوق صدره يغوله
قطع الوصل أبرك إذا الوصل ما فاد
أرواحنا بالقرب صارت ملوله
غير السلام وردّه الحين ما عاد
أي شي.. يجمعنا ونرجي نقوله