طريقة كرآت الكيك المغلفه بالشوكولاهـ .. أو الترافيل ..

الاغراض اللي بتحتاجينها :

علبه وحده كيك جاهز اي نكهه شوكلت او فراوله او فانيلا اللي يعجبك ..
كريمة الجبن او اي كريمه
400ج شوكلت خاص بالطبخ (نوعيه جيده )
اعواد المصاص او اعواد الباربيكيو ( الاستغناء عن العود)
سباركلز للزينه

مقادير كريمة الجبن:
50 غرام زبده ( مايعادل نص اصبع واحد فقط) بدرجة حرارة الغرفه
نص كوب جبن فيلادلفيا او كيري (7 حبات ) بدرجة حرارة الغرفه
كوبين سكر ناعم
ملعقه صغيره فانيلا

الطريقه:
اخبزي الكيك بنفس الطريقه الموضحه عالعلبه ..




في اثناء ماتكون الكيكه فالفرن حضري الكريمه
( بخفق الزبده والجبن والفانيلآ واخر شي السكر الباودر بالتدريج )
اتركي الكريمه على جنب

وبعد ماتبرد الكيكه فتتيها باليد او بمكينة الفود بروسسر






بالتدريج ضيفي الكريمه على الكيك وحركي بالشوكه (--- بالتدريج----)
اعجني باليد علي خفيف لين ماتتشكل عندك مثل العجينه
وتقدرين تشكلين منها كور متماسكه نوعآ ما
مرات نحتاج نبرد العجينه ..فنخليها نص ساعه فالثلاجه !





كوري العجينه كور بالحجم الوسط ( تقريبآ اصغر من كرة تنس الطاوله)
بتكفي العجينه تقريبآ ل 50 حبه ..
ثبتي عليهم العيدان ..
( تقدرين تستغنين عن العود ووقت التغميس ترفعين كل كوره بالشوكه )



حطيهم في صينيه فيها ورق زبده ..وخليهم فالفريزر 20 دقيقه تقريبآ


طلعي الصينيه من الفريزر
ذوبي الشوكلت المكسر ( ابيض او بني ) في المايكروييف
لمدة 50 ثانية على قوه متوسطه




غمسي كل حبه بالشوكلت ..
( اهم شي مايكون الكيك مثلج او باااارد وايد زياده عن اللزوم )
ولو نسيتيه فالفريزر طلعيه وقت التغميس
وانتظري لحد ماتكون برودته معتدله
... هاي سر من اسرار التغليف الجيد..
واذا جمد الشوكلت معاج وانتي تغمسين
حطي نقطة زيت عادي للجوكلت وبيرجع طبيعي ،،
تحملي تضيفين ماااي خطأ كبير وبيخترب عندك الشوكلت ،،،






رجعي حطي الحبه المغلفه في ورق زبده
ورشي السباركلز من فوق قبل لا ينشف الجوكلت



في نوعين ..نوع بالشوكلت من داخل
ونوع بالفانيلا من داخل







وبالعافيه

سلمت يدآكِ غآليتي

ع هذي الطريقة اللذيذة

شكراً لكي ,,





أميرة الورد

ســرنـــي مروركـِ ، أميرة الورد ..