الهوى و عزم الرجال

ليه دايم عادتك ما تقضبين ارض الوصال = الله اكبر يا عضيمه والهوى عندك ذليل

ما تحسبين الغيابك يوم ما بالعين سال = طول عمر المال وافر في يد الشح البخيل

لا رحلتي خلتلك والطيف يبرق من شمال = ساعة النفس البريه تجزع الوقت الصميل

دام جهلك ... ما عرفتي وش سواتي يوم حال = دون شوفك ليل كالح في وصوفه ليل ليل

نظرتك دايم صغيره ما عرفتي الاعتدال = ما توفين المطالب لا فزع وقت الجميل

ويش عادي بارتجي في قرب عاش الاحتمال = بين قربك بين بعدك في الهوى مالك دليل

وان نظرتي شين عذرك ما طرى غير الهبال = لو طلبتك ما لقيتك والسهر كنه دخيل

-
-
-
-

بس تدري .... لا تمادي وقفي نسج الخيال = لا تظنيني جزوع ماعرفت المستحيل

واصحك اصحك تستثيري في الهوى عزم الرجال = لو يموت الحب لحظه قمت تشكي يا عليل

قمت تنثر دمع عينك ليه حظك يوم مال = تندب العالم وتحسب طول ليلك يا هبيل

واما انا برحل واسابق ظل ساقي في الطوال = لين يغرب عن ديارك !! واحد ... وعابر سبيل !!

وقفي عندك وشوفي لانويت ارحل شمال = تدري اني ما حسبتك لاوجب حد الصميل

صح لسانك يا ابو عامر

ياخي انت شاعر رايق

وقلبك اخضر وتحرك فيني شي

صح لسانك يا ابو عامر على هذه القصيدة الجزلة

قصيدة رائعة اعجبتني العديد من أبياتها .. ونتمنى منك المزيد

صح لسانك وفالك التوفيق

وان نظرتي شين عذرك ما طرى غير الهبال = لو طلبتك ما لقيتك والسهر كنه دخيل

مبدع دائماً صح الله لسانك

صح الله لسانك
قــــــــصيدة رائـــــــــــــــــعه ســـــــــــــــــلمت يمنـــــــــــــــاك
أخي محمد بن عامر
بنتظار جديدك المميز

ودمت في حفظ الله ورعايته

يعطيك الف عافيه