لمحمد أبن الذيب في دولة قطر

بعد الأحكام التي صدرت بحق الشاعر المتميز الكبير محمد بن الذيب العجمي والذي أحبه الجميع ..
وتفاعلا مع قضيته التي تعتبر قضية كل الشعراء في الخليج العربي


لمحمد أبن الذيب في دولة قطر
سلام ن أحلا من حليب أم القعود

عدد بروق النوّ وما هل المطر
سلام ن أحلا من حليب أم ن ودود

عدد جنا الأشجار من طلع وثمر
سلام يتجاوز مدى كل الحدود

عدد هوى الترحال ودروب السفر
وعدد مدى الأفكار في جو ّ الشرود

وأصالة عن نفس شاعر به ضجر
من غيبة الابيات عن سمع الشهود

أصالة ن عن من لهم بعد النظر
آمالهم تسأل عسى صوتك يعود

أصالة ن عن كل عاقل معتبر
عن العرب جمعاء من كل البدود

أصالة ن عن نفس شاعر بك شعر
نيابة ن عن كل شمران الوجود

ربعي العناصي من بدو ولاّ حضر
أهل المدن وأهل الهجر وأهل النفود

جميعنا مستاء من هول الخبر
لكن لنا آمال في بذل الجهود

جميعنا نؤمن بأحكام القدر
لكن رجانا رحمة الله الودود


الله كريم أحيا البشر وأحيا الشجر
نطلبه حزّات الركوع وفالسجود

وإن جات للفزعات في وقت العسر
أبشر بنا يا شاعر ن ضاده ضدود

نبني مباني الطيب في كل الدير
قول وفعل ولا نهاب من اللحود

لنا مواجيب ولنا نار وشرر
ولنا من الله هيبة ن بين الوفود

يامحمد بن الذيب شعرك من درر
وربعك ونعم القوم من عهد الجدود

عجمان ياميّه مكاسيب الظفر
دايم ظنا مرزوق ما فيه شرود

ياربع راكان الشجيع اللي زأر
وأعيا جنود الترك مع زود الحشود

هذا وصلى الله على خير البشر
تعداد ما هب النسيم وهب نود


سعد عبدالرحمن آل مجبّر الشمراني

صح لسانك قصيده يستحقها ابن الذيب

صح الله لسانك ابا عبدالرحمن ويستاهل ابن الذيب

صح الله لسآنك

ع هذي آلقصيدهـ

لك خآلص آلشكر وآلتقدير





أمـــيرة الـــورد

كفو اخي سعد صح لسانك على هذه الابيات الرائعه
ويستاهل الشاعر ابن الذيب

صح لسانك يا ابوعبدالرحمن