فوق هام السحب ( الشعر الشعبي) على متن القوافي

عيش طيب ولكن كل شي له مقام
خل قلبك على صون الكرامه حريص

لاتبالغ في التقدير والاهتمام
لجل مايرخص الغالي ويُغلا الرخيص

....

‏فـي ذمتي صمتي يوصف غلاتك
لولا الغلا والحب ماصرت ساكت

ولو اختفـى زولي وغبـت بحياتك
يكفي عروق القلب بإسمك تحاكت

....

خليت قلبي لك سما وضلوعي وطن
‏أنت نبض هالقلب وأنت اللي أبيك

....

‏ليت الغلا دله واقهويك فنجال
‏فنجال من زين طعمه ماتمله
‏
‏مبنى على حسن العلاقه ولازال
‏نبهره بالحب والود ثمٍ نزله

....

ان قلت احبك يقول القلب يالبى
لبيه ياللي فتن عيني وحبيته

الحب لك فالحشا محفوظ ومخبى
سميت به عن سواك وجيتك اهديته

....

لبىَ ياعرب واحد في ذمتَي لبيه
لا ناديته اقبل علي وقال ياعيوُنه

اضيع انا واتوُه من دوون ليه وليه
جعلني فدووةٍ له وتسلم ليَ عيونه

وديننا اعرف روعة إحساسك وشعرك
كل حرفٍ يالغلا يسوى قصيدة

لامسه روعة خيالك وفـن سحرك
وانحقن عذب القوافي في وريده

تاهو الشعار في برك وبحرك
ماتصيدي الا الجزايل والفريدة

....

‏الله يمسي صادق القلب بالخير
‏صدره نظيف ومايعرف النذاله
‏
‏اهل النفوس الصافيه قربهم غير
‏متبادلين الطيب فـي كل حاله

....

يقول شريان الديحاني :

محتاج لـ أشياء كثيرة وأنت أولها
وإذا لقيتك أبستغني عن الباقي

هات لي من صوتك الرايق قصيد
من زمن ماعاد بالساحه شعر

صح قلبك لو تقول ولو تعيد
انت همساتك وٲنفاسك عطر

....