فوق هام السحب ( الشعر الشعبي) على متن القوافي

أحذر تهين النفس لو كنت محتاج
كرامتك ماهي بسلعه رخيصه

الناس لو تعطي مثل بير هداج
ماهي على بعض المشاعر حريصه

.....

‏ليت حبك بأختياري وأستخير
وأترك الأحلام في مشوارها

جيتني صدفه وحبيتك كثير
والصدف مافيه أحد يختارها

.....

رغم ابتعادي عن مراسيء تلاقيك
تبقى على ضفة فؤادي سفينه

أحيان اشوفك في خيالي واناجيك
وأحيان فصل الشوق يمطر حنينه

.....

‏موج الغلا في داخلي حرك الشوق
‏وقلبي تحرك من يساره يمينه

‏ليت الغلا بالكون انسان مخلوق
‏في كل لحظة كنت اقبل جبينه

.....

‏إن غاب يترك في غـيابه فراغات
‏وإذا حضر يحجب حضور البقيه

‏مثل القُمر لو غاب بالليل حزات
‏واذا حضر غطى النجوم المضيه

.....

‏ماغيرت بعد المسافة غلاتك
‏لو تكثر الاميال مابيننا البين

‏حتى الحروف بشوقها اليوم جاتك
‏ياقربك لقلبي وبعدك عن العين

.....

‏اخاوي اللي ماتغيّر مباديه
‏واسرارنا بالعمر بير وغطاها

‏ترا الخوي الصدق من طاب طاريه
‏له وقفتن جعل الخلايق فداها

.....

شفت الغلا بين عشاق الهوى كله
لو تجمعه مايساوي عشقك لحالك

محبتك فارقه عن كل خلق الله
ارتاح لاقلت لي لاينشغل بالك

.....

‏لك مكان لوعرفته ماهني نومك وطاب
ولك حنين في فؤادي من لهيبه احترق

إن بغيت اكتب شعوري انقفل للبوح باب
‌ولاذكرتك بين ناسي غاب فكري وآنسرق

.....

‏بعض الفراق يمر فالقلب عادي
‏يطري على الخفاق لحظات ويفوت

‏وبعضه لو انه مر فالقلب هادي
‏يشبه ونين الروح في سكرة الموت

.....