فوق هام السحب ( الشعر الشعبي) على متن القوافي

على الموعد أمانينا تهاوى بين ليت وعلّ
‏ قبل مايبتعد درب الكلام وتثقل حمولي

‏زرعت الليل عن شمس العيون وكنت أحسبه ظلّ
‏ولا فادت مظاليل الليال ومات محصولي

.....

انت الشعور الصادق وغيرك سراب
وانت المقرّ الثابت وغيرك ممر

غلاك بضلوعي تربّع لين ذاب
يفوح مثل العود من فوق الجمر

يا أغلى البشر وجهك علاج الإكتئاب
ومْواصلك مثل السحاب المنّهمر

حتى ولو قلبي شَعر بالإغتراب
انت الوطن واجمل ملذّات العمر

.....

فيك من إبداع ربي في جمالك
ماتسبّح له عيون الشايفِين

ما اظن القى على الدنيا مثالك
والذي شافوك مثلي عارفِين

ميزك ربي عن العالم لحالك
القمر والشمس حولك واقفين

انت حالي والحلا كله حلاك
ياوطن للحب يأوي الخايفين

خوف عيني خوف قلبي من سؤالك
ودي اعرف مسكني بالحب فيَن

هل بقلبك لي مكانه مثلما لك
وسط قلبي لجل نبقى مكتفين

ودي اشرح لو تبادر بأتصالك
كم بقلبي لك من الشوق الدفَين

.....

برد الشتاء والليل لاطال مسراه
‏ياحيّ ذا الطاري من البرد والليل

‏ماكل شبة نار فيها دفى البرد
‏برد الشتاء اهون من برود المشاعر

.....

‏أنا وهو من دون ذكر التفاصيل
الصمت طال ونتتظر من يبادر

كنت استعد انطق له اشتقت بالحيل
ومن قبل اقول اشتقت شفته يغادر

.....

‏الصاحب الغالي ليا من فقدناه
نسعى على شوفه بكل الوسايل

والا الردي لاصد واقفى شكرناه
كنه ليا فارق مسوي جمايل

.....

بنت بدوي راسها مليان بحميه
تحب تسمع قصايد عن قبيلتها

وإن جات للموضة ولأشياء عصريه
يقلدونها البنات بزين كشختها

.....

وش لون تبخل على المجروح بعلاجه
وش لو قاواك قلبك رده وصده

مع انه بين عليه الضعف والحاجه
ياقو قلبك برد ايمينك ورده

محمد بن فطيس

كان مقصد صدتك مني تغلى
والله انا شابعين من التغلي

كان مقصدها على اعصابي تسلى
فانا لله من بعض التسلي

فلاح المسردي

دار الزمان وشفت فيه العجايــب
شفت الغلا والكره والزين والشين

وشفت القلوب الحاقده والحبايب
واللي يعيش بوجه واللي بوجهين

.....