فوق هام السحب ( الشعر الشعبي) على متن القوافي

قامت الدنيا تمادى وتعطينا عروض
يالله توفيقك وعفوك وسترك والنجاه

ندري ان العمر محدود والدنيا حظوظ
واثمرتها السيره المستقيمه والصلاه

.....

عرفت كيف اليوم يفرق عن الامس
‏وخذيت عن بعد المحبين فكره

‏ياليت غيبتهم مثل غيبت الشمس
‏اللي تغيب اليوم وتبين بكره

.....

غرد على كيفك وذوقك ومشهاك
وان كنت طيب طاب مثلك كلامك

خذ هالنصيحه وخلها دوم وياك
كل ما احترمت الناس زاد ‎احترامك

.....

ياحروفي وإن حصل مني خطأ
خبّري المحبوب مو قصدي سهيت

ياحروفي والله أتعبني البطى
كلّ ماطالعت لشباهه بكيت

.....

مثل العسل اسمك إذا قمت أناديك
ومثل البدر رسمك بعتم الليالي

أعشق عذاب العشق وأموت أنا فيك
وأهوى أجازف في بحورك لحالِي

.....

في غيابك من قصيده لاقصيده
ودّي أنسى والقصايد تنتبه لك

كل مافتح بالخفا صفحه جديده
يرتسم وجهك عليها واتّجه لك

.....

صوتـك تمرجح بين امر ولبيه
‏وحتى عيوني في وصالك تحاكت

‏لاجيت لك مشتاق خل المشاريه
‏ولا قلت احبك ضمني وانت ساكت

.....

طيبك مع الطيب يزيده نقاوة
مثل الذهب ينفعك دامك حشمته

وطيبك مع الخايب يزيده غباوه
من ضعف عقله يحسبك مافهمته

.....

حسبت قلبي ياهوى البال سالي
‏لا واللذي اعطاك في داخلي حب

‏اطردك من قلبي واشوفك في بالي
‏واطردك من بالي والاقيك بالقلب

.....

النفس طابت والحياه اجبرتني
اساير أيامي على قدر المكان

والوقت قاسي والظروف اتعبتني
والحظ مايل عن مسارة ولا زان

.....