فوق هام السحب ( الشعر الشعبي) على متن القوافي

الله على جو الغلا بين الاثنين
حب ومشاعر شوق واحساس عشاق

يروق جو الحب مابين قلبين
مزح وضحك واللعب مابينهم راق

في مرتع العشاق والحب لاهين
في جلسة تحلى بها لعب الأشواق

.....

‏يازين السعه والبعد عن قوم قال وقيل
‏وعن اللي لسانه يمنع الناس من قربه

.....

تعطري يابنت وأرهي من العود
حطي على كبد المعادين جمرة

لايهمك اللي هرجهم تقل بارود
وسيري بدربك لايكونون عثرة

يالله عساهم فدوة عيونك السود
اللي لها في هامة السحب نظره

.....

بعض البشر محتاج للذوق خبره
‏عندي نصيحه له على مَرّ الازمان

‏المرء بأخلاقه وذوقه وفكره
‏وبروعةأسلوبه يصيرأجمل انسان

.....

اخذ النصيحة لاتخلي صلاتك
احرص عليها قبل ينقال مرحوم

اجمع حصيلك قبل موعد مماتك
الموت لامن جاك ماعاد لك يوم

.....

صحيح ماندري عن اللي يكنّون
ولا أحدٍ على قلوب الاوادم تنبّا

مهما الليالي تستر اللي يخبّون
تبدي لك الايام شيءٍ مخبّا

.....

لوتعطي الناس الذهب والجواهر
ماراح ترضى عنك لوكنت عادل

ولوكنت قايد للسفينة وماهر
لابد يطلع لك غشيمٍ يجادل

.....

يقولون متغير وانا ماتغيــرت
من جيت للدنيا وهذا مسيـري

من عادتي لاضقت وإلا تحيرت
اصد واكفي الناس شري وخيري

.....

خاويت لي شخصٍ يسبونه الناس
ابعرف العالم وراها تسبه

ولقيت له في قمة المجد مجلاس
يعطي العطاء ومكمل حق ربه

اهل الحسد لاغاضهم طيب الراس
عجزوا به وسبوه من دون سبه

.....

وقفنا على باب الأمل وقفة المحتاج
‏ورجينا كريمٍ ماهو يصكّ بيبانه

‏يناجيه عبده وما يردّه سحا واحراج
‏ويطلبه من فضله ومدّته واحسانه

‏عسى مِقبِل الأيام يسر ورخا وافراج
‏وعسى مامضى يمحاه عفوه وغفرانه

.....