فوق هام السحب ( الشعر الشعبي) على متن القوافي

يجذبني اللي في حضوره مُميّز
ويعجبني اللي في غيابه له الشوق

شخص ٍتفرّد في حياته تميّز
تنافس الأخلاق مع قمة الذوق

.....

ودي على شوفتك والشوق طاويني
ارحم عيونٍ على لقياك شفقانه

.....

عزتي للي كل ماجات حزًه نومه
جاته هموم بقعاء واعطته بالخامس

من يلومه لاسهر كل ليله من يلومه
الهموم تعاقبه ومعاقبه ذا النامس

مطلق العتيبي

غنّت الارض والطاري لاذعذع نسيمه
قمت اغنّيك والشتوّيه اوّل شهرها
ٰ
يا عسى كلّ ما شدّيت تلحقْك ديمه
وين ماجيت لك ديره ترشرش مطرها

.....

مقابلك بعد الغياب يطول العمر القصير
إقرب وانا اقرب ماورانا الا المقابر والنعي

سفر الدغيلبي

اللي بغى وصلك وقربك يدلك
من دون لا انت تعلمه او تدله

ونصيحتي لا جيت لاتجي كلك
الا على اللي بالغلا جاك كله

.....

والله أني عليك أضمى محبه وأجوّع
والمواصيل قلت ماهي بَكافيه

أيه محتاج ضمة شوق بين الضلوع
ضمني وسط صدرٍك ضمة دافيه

.....

سعد من قلبه على الفرقا شمالي
مايھمه فالهوا وصل وقطاعه

.....

‏يمدحون النوم لاضاق الفضا
‏نومة الضّايق تراها فايده
‏
‏وش يطفي بالصّدر جمر الغضا
‏غير تطنيش الأمور الزايده

.....

ودعتك النسناس ياورد الاشواق
كرامتي تحكم علـي بانصرافـي

يكفي ثلاث سنين مرت على ساق
عين فراش لك وعيـن لحافي

....