فوق هام السحب ( الشعر الشعبي) على متن القوافي

فاتحٍ له في السراجيف بوابة
‏ماتسكّرها هل المدح والذمي

‏سعد بن جدلان

يارب انا عبدك تماديت واخطيت
لين الشباب اقفى وانا اليوم شايب

امهلتني يوم اني اخطيت وابطيت
حاشـاك تطردني وانا جيت تايب

.....

الناس ماتسقيك لا صرت عطشان
ولا يشرب المظمي حذا من ذراعه

اضرب على الكايد لا صرت بحلان
وعند الولي وصل الرشا وانقطاعه

عيبن على اللي يتقي عقب ما بان
وعيبن طمان النفس عقب ارتفاعه

.....

كلام السفيه ان مر ماضر مهما كان
ولا اثّر على سوق التجاره ولا العمله

لاشفته يحاول يسرج الخيل للميدان
وانا خابره مافيه قوه ولا صمله

تبسمت له ماهوب ذله ولا نقصان
تبسّم نبي الله سليمان للنمله

.....

الخيل للمغزا اذا مست السرج
والحيل بالله يامناوي هجاجه

وشرب الفتى من غير مشرب يده همج
قاله مجرب فج صدره خلاجه

.....

الرفيق اللي خذلني يوم جيته
أدري انه قادرن يقضي لزومي

أسمه من القايمه كله محيته
ويش ابيبه يوم بانن العلومي

اللزوم ابشرك رحت وقضيته
عند رجلن جعل تفداه الرخومي

الكريم اللي تدل الناس بيته
قال لي تبشر ورحب في قدومي

.....

وجهي شبر وأحن وجهي ليا احتاج
من عسرة الطيّب ومن هرج منة

جعل الكفو مايلحقه عقدة حجاج
وليت الردي ذبحه من الدين سنّة

.....

انا والله اني ماتضايق بدون اسباب
ولاني بعجلٍ لاستحسيت من غالي

ادور له الاعذار ماودي افتح باب
انا لافتحته جبت الاول مع التالي

.....

‏حنا عزاز ولا نحب التخضاع
والله خلق فينا الكرامه جبله

نكره وجيه الكبر في كل الاصقاع
والكبر يرخص كل نفس تشله

من عاش عمره للمخاليق تباع
يشرب فناجيل الغبن والمذله

وراع المعزه لو من الوقت يلتاع
يعيش شامخ ما انحنى غير لله

.....

بعض العلوم تروح مرواح القطاء
مانلتفت فيها ولا من قالها

مادام حنا مانزلنا فالوطاء
مصيرها صفق الهواء يشتالها

والناس ماتصبر على كل الخطاء
تجزاء مقاريد الخطاء بافعالها

يمكن يجي مردودها عقب البطاء
وإلا يجي مردودها في حالها

.....