فوق هام السحب ( الشعر الشعبي) على متن القوافي

يناديك الشعور اللي قبل شوفك غريب اوطان
‏عسى صوت الأمل يسمع صداه بنبرة حروفك

‏انا واقع حياتي قبل لا اشوفك بدون اللوان
‏ولقيت ابهج ليالي دنيتي يوم اني اشوفك

‏وحديث النفس بشعور الغرام وصوته الرنان
‏وكلام ما سمعته كان داخل عين ملهوفك

.....

ماكتبت الا لطاريك ياوضح النقى
‏انت تستاهل قصيدي وتستاهل غلاي

.....

ابي اعتذر عن غيبتي عنك لحظه
غمضت عيني واثرني فيك ساهي

نسيت نفسي ياغلا الروح ومضه
وفزيت واثرك داخل العين لاهي

.....

‏إذا كتبت إكتب عن الشيء الفريد
‏و لاتكتب اللي قبلك أحدٍن كاتبه

‏هذا انا أكتب حُب والشيء الاكيد
‏مالي حبيب أصلن عشان أعاتبه

.....

‏لا جاك هرجٍ من سفيه الفعايل
‏طنش وخل النار تاكل حطبها

.....

ماكل من حبيت واغليت يغليك
‏ولا كل من تشفق على حبه اغلاك

.....

‏ياكثر مامرت على عيوني عيون
تمرنـي وأسأل عليـك إنت وينك

ماهمنـي لـو بـالثــواني يمـرون
تكفي عن عيون المخاليق عينك

.....

ليتك على كبر الهقاوي تسنعت
لكن ردي الساس مافيه حيله

.....

‏اسجدو لله وارخو المناكب والجباه
احنو الهامات لله في سجدة شكر

من تطعم لذة السجده اللي في الصلاه
والله انه مـا يخلي لا شـفـع ولا وتـر

.....

أنت وجهك فيه سحر وفيه رقية راقي
تبتسم قدمه ملائكة الرضا وتحفه

أنت حلم لو كسرته كني أكسر ساقي
مثل حلم القدس في رام الله وفالضفه

.....