فوق هام السحب ( الشعر الشعبي) على متن القوافي

‏من تجمل فيك لا تجحد جميله
‏جاحد المعروف وش خانة حياته

‏ومن تردى فيك خله في سبيله
‏لا اتردى فيه وتسوي سواته

....

لي قـلـب ينـبـض بالـوفــا والموده
‏ابيض ولا يحمل عــداوات واحقـاد

‏لاهـل الـوفـا والطيب نبـضه يشـده
‏يعشق هل المعروف لو كانوا ابعـاد

....

اسباب بعدك ظروفٍ عذرها ما يساق
ظروفنا مالها بالبعد منطق وجيه
ِ
من باب زرع التواصل لوّ يطول الفراق
اللي يجي ديرة الثاني يسلّم عليه

.....

مخلوقـةًُ مـن طـين لكنك مــلاك
ومستوطنه بـقلـوب كل الحالميـن

ليه الزعـل والعمر مكتـوب لرضـاك
وجهك فرح مـاهو بـلايق تحزنين

....

ما أقول تفرق في عيوني عن الناس
العين مافيها من الناس غيرك

....

وجهك الله جاعله منبع سرور
كل من شافه غدا فيه فهوة

تدري وش محتاج من دنيا العبور
السعاده وانت وفنجال اقهوة

.....

مهـرةٍ ماحولهـا كـل ريمـية
جامعه مابين نجدي وشرقاوي

بينها وبين العذارى حزازية
كن فالدعوى هـلالي ونصراوي

.....

وانا شف بالي وليفً نسى غاليه
وعليه السلام اعداد ماخاطري حبه

.....

يا طير جيت أشكيلك الحال يا طير
جيتك وانـــــا يا طير نفسي عليله

في هالزمن ياطير ما ينفع الطيب
ولا تنفعك حتى الافعال الجميـــــله

....

اجبـــر بخاطـــر مــن تعـزه وتغليــه
‏وهده شعور الجبــر من طيب خاطر

‏وعطه الغلا من يستحق منك تعطيـه
‏لين الغــلا يضهــر بفيــض المشاعـر

....