فوق هام السحب ( الشعر الشعبي) على متن القوافي

اشتقتلك بالامس واليوم مشتاق
‏وبكرة اذا شفتك يزيد اشتياقي
‏
‏لجلك يزيد الحب وتزيد الاشواق
‏ويزيد من بين الظلوع احتراقي
‏
‏الله جمع فيكٍ الحلاوة والاخلاق
‏مثلك ولو دورت ماني بلاقي

....

كثـر التغلي يرخصك لو كنت غالي
‏وكثر المحبه من طرف واحد مذلـه

....

ما بين حب القصيد و بين سرد الشعور
الشوق غصباً عليك إن زاد بتودعه

الحب له بين ريضان المغاليق دور
يدمر الشخص بعض أحيان ويضيعه

عندي من الشعر شيئاً ما يحب الظهور
لو أكتب الشعر بعض أحيان و أسمعه

يوم أن غير يجيب البيت معدم شعور
البيت مني خليط أشواق متجمعه

ماني بشاعر على بعض القصيد معثور
لجاني البيت ما أصفصفه و لمعه

على هذيك القديم اللي لها عيون حور
اللي تتل الخفوق الصلف وتطمعه

ماهي بحاجه لفن كليف ولا ديور
ما كنها من الالماس متجمعه

من قلبها اللي تمادا ما بقا لي شعور
الله حسيبه على اللي صار والله معه

اعيش بالمتصل واموت باخر ظهور
وانا ادري الحب لامن طال بنودعه

....

‏ماني زيادة عدد بين الحضور
‏مالي منافس تأكد يا غلاي

‏لو تلف الكون كله لو تـدور
‏ما تلاقي مثل طهري أو وفـاي

....

حتى لو ان احساس قلبي مايخيب
‏سفك الشعور اشد من سفك الدما

‏والغيمه الي تاخذ شوي وتغيب
‏ماتغري إلا الميتين من الضما

‏احيان حتى اللي تحس انه قريب
‏يمكن يكون ابعد عليك من السما

....

‏دايم على الخاطر تجي مثل الامطار
‏ كنك تعرف اني من الشــــوق ظامي

‏انا فرشت القلـــــــب لك ورد وأزهار
‏وأنت بغــــلاتك أخذت كل أهتمامي

....

حتى المكان استاحش أحبابه وغادر ألُفته
ماعاد باقي في المكان إلا عزيز الذكريات

....

يحدني وقتي على شي مابيه
وأمشي على درب المجامل غصيبه

أشيل ضيقات العتب والمشاريه
وأدفع من أعصابي وعمري ضريبه

....

‏لا تساومني على جاهي وقدري
‏ويش ابي بالعمر من دون الكرامه

‏ان لفيت اهلاً وسهلاً وسط صدري
‏وان بغيت تروح مرواح السلامه

....

بين الصبر والصمت والخاطر الشين
ما قلـــت يا ليل العنا وش جرالـــي

ومن كثر صـــدماتي بناس العــزيزين
قمت اتحرى صــدمتي مـــن ظــلالي

....