فوق هام السحب ( الشعر الشعبي) على متن القوافي

عسى الحاجه الي تحطنا بموقف الاحراج
يجي ضرف طاري قبلهاونتجنبها

وعسى من يرد بخاطر الي يجي محتاج
تحده ضروف الوقت يمه ويطلبها

.....

أرحبي يا قشر الأيام ترحيب القشر
واقلطي في حضرة القوم مقلاط الضيوف

العمر تاليه قبر و موازين و حشر
ان سعدنا و ان شقينا نهايتنا الحتوف

ان حضرتي بالبشاير فلا زلنا بشر
وان لفيتي بالخساير على الشده وقوف

.....

المراجل ماتجي من ورث ابوك ومن فلوسه
المراجل ماتجي لك غير لا ذقت النوايب

لا تصير اكبر همومك بيت مملوك وعروسه
ولاتصير اكبر همومك بعد واهمال القرايب

الزمن يعطيك دايم من غثاه ومن دروسه
يا تجي رجال قادح يا تجي مذلول هايب

مسعود القحطاني

تعايش مع العالم وطنّش كثير علوم
وبابٍ تحس إنه وراه الغثى سدّه

.....

هون على قلبك ترى الوضع عادي
‏شفني من طعون الليالي تعلمت

.....

يآ ليتنا نجـرح مثل باقـي الناس
ونكسر خواطر من كسرنا ونقسى

لكننا مــن كثر ما نملك احساس
نجبـر خواطر مــن كسرنا وننسى

.....

لو كان الغلا يا زين بالكون محدود
‏ترى غلاك عندي تعدا حدوده

‏وإن كان عشق الناس ماهو بموجود
‏عِشقي لأجل عينك يفرض وجوده

.....

عسى الكفو ما يشتكي ضيم الايام
ولا تمنعه عن طيب راسه ظروفه

آمين

‏كان عندك لي غــلا لا يلمحونك
‏يا بعيد الــدار يالقلــب القــريب
‏
‏عاشقك ميت على طاري عيونك
‏كيف ينعَم في مناظَرهــا غريب

.....

‏ياخذني الشوق لعيونك واجي گلّي
‏يدفعني الحب جعل الناس يفدونك
‏
‏لو گان طيفگ مخاويني مثل ظلّي
‏أشتاق لمصافحگ واشتاق لعيونك

.....