فوق هام السحب ( الشعر الشعبي) على متن القوافي

مانيب مجبور اخاطب على قد العقول
والله إن بعض القناعات عندي مهمله

الكلام تشوفه الناس حل من الحلول
مثل ما اشوف التجاهل يحل المشكله

.......

مابعد عسر الزمان الا تياسيره
لو سود الايام تفجعنا حقايقها

بنسوقها في رجا اللي مالنا غيره
خلاّق الأنفس وكافلها ورازقها

.......

الناس في ما يفعلونه فريقين
داعي إلى الجنة و داعي إلى النار

فاختر لنفسك واحدة من طريقين
يا رحمة الأخيار أو كيد الاشرار

ترى الصفات الناقصة ما يليقين
في من يبا قيمة و عزة و مقدار

.......

‏ما كل صوتٍ يهز القلب و أركونه
ألاّ أنت صوتك وحسك لاعبٍ فيني

يازين هرجك ليا من قلت وشلونك
و أقول طيّبْ مادام أنك تحاكيني

.......

‏شاعر خطب حبيبته 3 مرات لكن يتم رفضه قال فيها ..

وليّـا نويتـي عقب حُبي تحبيـن
أمـانتك حِبّي الشجاع السنـافي..

على الأقـل يوم أخسرك من حَمَر عين
أهـون علي من أخسـرك عند هافـي..

.......

لايضيق صدرك من الدنيا ومافيها
ما تاخذ الا الكفن وأعمال مكتوبه

يا جعل ربي يكافينا بلاويها
ويكتب لنا الخير والتوفيق والتوبه

.......

نغيب لكن قدر الاحباب ماغاب
بقلوبنا ماهو بيطفي سراجه

لو ننقطع من سبة ظروف واسباب
لابد لو طال الغياب انتواجه

.......

اعط الحقوق لراعي الحق لا اخطيت
وحاول مثل ماتـاخذ الـحـق تعطي

مـاهوب عيب ان قلت مخطي وزليت
العيب تنكـر زلـتـك وانـت مخطي

.......

والله اني للمشاكل ماسعيـت
ولا تـبعـت الـوارده والصـادره

من كثر ماشفت فالناس ولقيت
القـلوب البيـض عمـله نـادره

.......

اكتب على كيفك ترى الناس تقراك
وان كنت طيب طاب مثلك كلامك

خذهـا نصيحه وخله دوم وياك
كل ما احترمت الناس زاد احترامك

......