فوق هام السحب ( الشعر الشعبي) على متن القوافي

مانيب مجبور اخاطب على قد العقول
والله إن بعض القناعات عندي مهمله

الكلام تشوفه الناس حل من الحلول
مثل ما اشوف التجاهل يحل المشكله

.......

شفت البشر لو كلهم يرخصونك
‏الله عليك بداخل القلب مغلاك

‏أشتقت لك وأشتقت لأسمك ولونك
‏أشتقت لمعاندك وأشتقت لخطاك


.......

‏الطيب ان ضاق لو ماني ولد عمّه
يبشر بعزه وكل جرحن لـه مداوي

ماخاوي اهل الردا والحقد والنمّه
حن نعرف الطيب ونعرف نخاوي

.......

سولف فديت الحروف وتمتمات الكلام
يمكن يلين الحزن .. وأعصابي التالفه

جيتك معي سالفة شوق وحكاية غرام
حتى نسيت الكلام .. وضاعت السالفه




.......

هذي قوانين الصدف والاماكن
وهذي مقادير الزمان وظروفه

تشوف ناس كثار صدفه ولكن
اللي تمنى شوفته ، ماتشوفه

.......

تحدينا الصعاب وما حسبنا للزمان حساب
على المركاب نطويها سنين العمر مكتوبـة

تطيح اشناب واحنا ما تعودنا على الأبــواب
يشيب الشاب منا ماانحنى لو مات في ثوبه

بدون عتاب ما نشكي ونتحمل حمول ركاب
مع الاصحاب والأجناب والغلطات محسوبة

‎
.......

بعض البشر لـو يظنونا عِدمناهُـم
إحنا بوادي وهم والظن في وادي

راحو وجو ألف مـرَّه ! ما فقدناهُـم
يعني يجو او يروحو عندنا عادي


.......

‏لا تنتظر من ناقص العقل حكمه
ولا تنتظر من فاقد المرجله خير

ولا يغرك في الردي لمعة اسمه
الريش ما طيّر نعامه وهي طير

#خـواطـر

......

‏لبيـــــه يابعـض العرب كل ما طل
يتـل قلبــــــي تـل واجـيـه كـلـــي

يحل معـــــه الود من ويــن ما حل
أفرح إذا شفتــه و أرحب و أهلي


.......

‏اجمل هدايا العمر انسان يغليك
‏وجمل هدايا الحب انسان وافي

‏روحه رهينه لك وبالعمر يفديك
‏فيه الوفاء والعهد للحب صافي

.......