فوق هام السحب ( الشعر الشعبي) على متن القوافي

‏كان المعزه عندكم يوم واسبوع
ثم تنتهي مع دورة الوقت واتضيع

حنا المعزه عندنا راس مرفوع
لامن شرينا شخص مانقدر انبيع

......

‏نطـوي سنـه مرت بهـا حزن وأفراح
ونبــدآ سنه يا الله عســاها سعيده

جعل الهمـوم اللي من العام تنزاح
ونلقى السعاده في سنتنا الجديده

يارب يامن في يـدك طـب الاجراح
اجبــر خواطـر في الضماير نكيده

وافتــح لنا بالخيــر يا خيــر فتاح
فيـك الامل يا الله وفيـك العقيده

......

‏يا سكـــوت الخــل خبرنــي علامك
مااطيـق انظــــر هدوئك والسكوت

قــــوم عاتبنـــي وسمعنـي كلامك
خلي اوجاعـــك على صدري تفوت

لا تخبـــــي دام تحسبنـي حزامك
مستعد ارضيــك يازيـــن البخوت

لو طلبت الروح تستاهـــل مقامك
لاجل عينك لوطلبت الموت اموت

......

ماتفعله يمناك في واجب الغير
‏تلقاه لاضاقت عليك الوسيعه

‏ابذل من المعروف وابذل من الخير
‏الرازق الله والجمايل وديعه

......

كان وجه الحظ كشر ماضحك لك سنه
‏وطافتك فرصة حياتك ، لا تفكر فيها

‏لا طموح الا طموحك في دخول الجنه
‏ولا عذاب الا عذاب النار يا ناسيها

......

‏في خاطري شـوق يسلم منه الكافر
لو ذاقـه ايـت يهودي يعلن اسلامه

سفاح لايرحم احساسي ولا الخاطر
والله لو الامـر بيدي قمت بإعدامه

مشتاق ياهل الهوى والقلب متناثر
مابين وصـل اللقا والحظ واحلامه

ذبحني الشـوق يارب السما القادر
كلة من احساسها والشوق واجرامه

......

‏في صفحتــي ناسـن لهم كل مقدار
وغلاتهم تسكــن بقلبــــــي وعيني

غاليين عندي باالظهيــره والاسرار
من كثر ما اغليهم يعيشــون فيني

قلبي عليهم بعـض الاحيان في نار
لاغاب بعض الناس عن نـور عيني

يستاهلوا ارخص لهم ضو الانظار
وعمري وكل اللي بقاء من سنيني

......

‏إن شانت الدنيا ترا العمر مقسوم
‏محدٍ حياته جت على ما يريده

‏دايم تفائل بالامل واترك اللوم
‏عش لحضتك واللي مضى لا تعيده

بقلمي

الطيب قصرٍ ما تجيه العذاريب
‏والتربية هي سور قصره وساسه

‏فمن لا تربى في شبابه على الطيب
‏ماهوب متربي ليا شاب راسه

......

‏حطني ع الجـــرح تلقانــــي علاجك
مستعد اصبـــــح علـى شانك علاج

يكفي اني اسعـدك واسعـد مزاجك
لو تخــــرب داخلــــــي كل المزاج

يا غلات الروح قـم واطـرد عجاجك
خلـــــي الدنيــــــا طرابـه وابتهاج

ينتعـش كوني بضحكـك وابتهاجك
ضحكتك في حظـي الدامس سراج

.......