فوق هام السحب ( الشعر الشعبي) على متن القوافي

عـسى بارد الجنّه وحوض النبي والحور
جـزا واحـدن مـوجـعني اليـوم فقدانه

وعسى مجلسه في جنة الخلد منبر نور
يـجـاور بـهـا رب الـسـمـوات سـبـحانه

رحـيـل الأبـو يـتـرك فؤاد الولد مكسور
بعد كان لا ضاقت لقى الأمن بأحضانه


عبدالله بن رشيد الجش

‏يا عنفـوان الصباح المشرق الباهي
طلــــي علينا وضـــوي نورنا منك

لاتنشغــل عننا وتكــــون متلاهي
والله مالـي بطاقــه ابتعـــد عنك

كيف اقدرابعد وقلبي بالهوا تاهي
وانا في الحـب ماخيبت في ظنك

وافي معك دوم لاناسي ولاساهي
وانت ياخي عسى ما نحـرم منك

......

‏تعال عطر الذوووق في طلتك فـاح
دام اجمل الساعات ساعةحضورك

مجرد اقرا حـرفك النفـس ترتــاح
والروح تستانـس بشوفـة سطورك

يا مرحبا مليوووون ياطب الاجراح
ترحيـب من قلبي يلامس شعورك

يامن وجودك يجعل البال مرتـاح
والقلــب يتغنى بلحظــة عبـورك

......

عليك الله يا الحي القديم الي سكنا فيه
سنين العمر ردتني تجول داخل اسوارك

لقيت الدار لكن ماقليت احد من اهله فيه
وفوج العج فتح بابهم وكشف اسرارك

وليت اني اشوف الناس ترجع مثل ماضيه
قسم بالله ماهلت دموعي داخل اجدارك


......

جرَبت اصدقائي في الشدايد وفي رخاااي
قليلين في الشدة كثيرين في الرخا

وخاويتهم والقلب مخلص لهم اخاااي
وهم في الحقيقة مايريدون لي اخا

فغبني على جودي وغبني على سخاي
مع ناس ماتستاهل الجود والسخا

......

عليك في منفذ الحب الحقيقي بلاغ
بتهمة انك لويت ذراع ما تلتوي

اقول احبك وانا ماقولها من فراغ
اقولها من غلا صادق ودافع قوي

لعابك العطر وانفاااسك بخور الشماغ
وضمتك جنة العااشق وحصن الخوي

اصيغ لك من حروف الشعر مالايصاغ
واحاول اروي احاسيسك ولا ترتوي

واخاف حبك يسبب لي شلل فاالدماغ
اذا احرقت نارك الماضي بما يحتوي

......

‏يجذبني اللي في حضوره مميز
ويعجبني اللي في غيابه له الشوق

شخص ٍ تفرد في حياته تميز
تنافس الأخلاق مع قمة الذوق

......

الجمايل باقية طول الأبـــــــــد
والوفاء لأهل الوفاء طول السنين

والنقاء والطيب ما هو ملك حـد
غير أصحاب النقــاء والطيبيـــن

يا صديق الصدق قدرك ما يعــــد
والأخــوة ماتغيرها السنيــــــــــن

والأسد يا صاحبي يبقــــــى اسد
والذهب مهما دفن يبقى ثميـــــن

......

‏اذكرونا بالدعاوي الصالحه
غيرها من بيننا ما هو يدوم

واتركوا بعض الوجيه القالحه
كل واحد منّنا بيجيه يوم

......

ماجمعنا الحظ بالمركب سوا
لكن . الارواح . ضمة . بعضها

لو حرمنا الوقت والظرف التوا
المشـــاعر . ماتاثر . نبضــها

هكذا العشاق لو طال النوا
ماتبدل. الولا . في . حظها

يابعد آهات. ماغيرك . هوا
عهد والابيات يثبت ومضها

......