فوق هام السحب ( الشعر الشعبي) على متن القوافي

‏شيمة الانسان ميزان .. اعتداله وانحرافه
‏تنذره ، لا شافت الاوضاع ما هي مستتبه

‏إن عجزت إنك ترد النفس عن شيٍ تعافه
‏ماقدرت تحط نفسك فالمكان اللي تحبه


......

‏أنصحك لاتبكي على واحدن راح
لو كان همه فيك ماراح عنك

‏دام الفراق أختار ياصاحبي طاح
مادام وده فرقتك ويش همك

‏دوم أبتسم وفرح ولوداخلك اح
‏كم ناس قبله خيبت فيك ضنك


.....

‏القبول من الله ليا من وهبك ابركته
‏لـ الصدور اقفال يفتحهاا عطا رباني

‏يمكن انك تسمع من اثنين نفس النكته
‏تضحك من الاول ولا تضحك من الثاني

......

‏اغنم شبابك قبل تفنى تواليه
‏ماينفعك لاشبت كثر الندامه

‏من لاكسب صيته على أول خطاويه
‏ماهو بكاسبها ليوم القيامه

‏وإعلم ترى الإناء ينضح بما فيه
‏إن طاب … طاب وجنبته الملامه

......

‏وين أنت رايـح وقلبـي فيك متعلق
‏ما تدري انه بدونك يعتبر عاجز

‏صحيح قلبي جبـل ما جـاه متسلق
‏الا أنت مثل العلــــــم في قمته راكز

......

‏حبيت شخصك وانا ما احب بالساهل
‏قسمه والانسان .. مايدري بمصلوحه

‏اي والله اني احبك وانت ( تستاهل )
‏يا اغلا من عيون من حبك ومن روحه

......

انت حتى لو معي ظالم وجاير
‏راح اطوف كل زله واتغاضى

‏وان زعلنا من بعضنا ما انت طاير
‏بنتواجه ..وانتعاتب .. ونتراضى

......

‏عليك من سخط الملامح رحمه
‏وعليك من كثر التباهي قله

‏كل الوجيه الله يديم النعمه
‏بس وجهك اللي لا إله الا الله

......

كلامها ما تفصحه ، ولسانها تشره عليه
تثني حروف الجر في فمها ، وتثني عودها

ما تنطق الحرف الهجائي لين تلعن والديه
كنه يقول اليا طلع ، والله ما عاد أعودها

......

تعاملك خلـه عـلى قـد الـعـقول
‏ترا عـقـول الـنـاس ماخلقت سوا
‏
‏احذر من الطلعات واحذر بالنزول
‏والصمت يدفـع شـر والحكمة دوا

......