فوق هام السحب ( الشعر الشعبي) على متن القوافي

‏القلــب لك مفتــوح يا مرحـبا فيك
اسكن بقلبي واحســب البيت بيتك

مادام قلبـــي عشقك الله محييك
القلب لك مفتــوح لجـلك فديتك

اقسم برب البيـت اعـزك واغليك
واهواك من لحظات مانا ألتقيتك

وحبيت قربك لي وحبيت طاريك
وسلبت عقلــي من مجـرد رأيتك

......

‏قلبي بلانــي في هــوى شخص دلوع
فيـه الدلـع من ساق ساســه لراسه

غنــوج فيــه الغنـج ثابـت ومطبوع
وعناد دايـــم ووسـط راسـه يباسه

لاكن احبــه واعشقـه عشق ممنوع
واعشـق غــروره والدلـع والغلاسه

وعشقةتمكن وسط قلبي والاضلوع
عشقـن مـن الاعمـاق لاخـر قياسه


......

‏انت حاجــه نادره عنـــدي صراحه
غير خلــق الله وغيــــر اللي نشوف

مثل ضو الشمس في طلة صباحه
مالها فـي الارض والعالـم وصوف

انت يااخي نلـت في قلبي مساحه
صـرت له مملوك والباقي ضيوف

شوفتك اقسم قسم متعه وراحه
وطلتك عنـدي قسـم تسوا ألوف


......

‏عيني عليك اضحت من الشوف عميا
ماعاد تشــوف من المخاليق إلا انت

خليتها من باطـــل الشــــوق ضميا
واحرقتها من كثـــر تنشد عليك انت

غايــــــب عليها ايـام ما قلــت حيا
واحرمتهــا شوفـــك اسابيع مابنت

وطويــت نظرتهـا عليـــك انت طيا
حتـى احرمتني نومهــا ايـام مانمت


......

‏تعال عطر الذوووق في طلتك فـاح
دام اجمل الساعات ساعة حضورك

مجرد اقرا حـرفك النفـس ترتــاح
والروح تستانـس بشوفـة سطورك

يا مرحبا مليون ياطب الاجراح
ترحيـب من قلبي يلامس شعورك

يامن وجودك يجعل البال مرتـاح
والقلــب يتغنى بلحظــة عبـورك



......

‏يا عنفـوان الصباح المشرق الباهي
طلــــي علينا وضـــوي نورنا منك

لاتنشغــل عننا وتكــــون متلاهي
والله مالـي بطاقــه ابتعـــد عنك

كيف اقدرابعد وقلبي بالهوا تاهي
وانا في الحـب ماخيبت في ظنك

وافي معك دوم لاناسي ولاساهي
وانت ياخي عسى ما ننحـرم منك


......

اناشــــدك بالله يا شــــوق باللهون
قلبي فقـد يا شـــوق كامــل عزومه

على الحبيب اللي في الروح مدفون
الغايـــب اللي في خيالـــي رسومه

ياشوق خذنـــي وين ماكان ويكون
ودي ازور الحـــب واعــرف علومه

حتى ولو قالـــوا لي الناس مجنون
انا اعرف المجنــون ماحــد يلومه

......

‏ماكنــت متوقــع جمــالك بها الشكل
ولاكنـت اظــن انك مـلاكــن سماوي

كنت احسب انك مثل ماباقي الخلق
اثر البشر فــي الزيـــن مو بالتساوي

سبحان من افرق جمـالك على الكل
واطغا جمالك عـن جميـع النساوي

وجمـلك بأوصــاف ماشفتهــا قبل
مثل القمر في الليـل لحظة يضاوي


......

‏يا ما كتبـت اشعـار وابيـات وحــروف
ونشرتهـــــا ماشفــــت اي استجابه

وقلت في نفسي يجــي يوم ويشوف
اشعـــاري اللــي قلتهــــا في عتابه

اشعار تحكي قصـة انسان مشغوف
في عشـق من احــرق فؤادي غيابه

دونتها من شوق واحساس ملهوف
وقلب قاسىَ فــــي غرامــه عذابه


......

‏جمعه لاعـز احباب قلبي والاصحاب
نسمــة ثمـــار الود فيهــــا عميقه

ارســل بهـا منـي تحيـــه للاحباب
وسلام لاصحــاب القلوب الرقيقه

أهـدي بها للكل حاضـر ومن غاب
بأطيب عطور الورد وأطيب رحيقه

واجمل تحيةمن عيوني والاهداب
للي غلاهـــم فـي خفوقــي بريقه


بقلمي