فوق هام السحب ( الشعر الشعبي) على متن القوافي

‏علمني الوقت ما ازعل على غالـي
‏ولا اتشره على العالـم اذا صـدت

‏ان جابـه الشوق ولا يابري حالـي
‏عمـــر المشاريـًه لاجابــت ولا ودت

......

‏يالله بصبحٍ على التوفيق ياخذنا
‏نفرح بخيره ونسلم من غثا شره

‏ويالله على كــل زلــه لا تواخذنا
‏حنا عبــادك وغـــيرك مالنا مره

......

‏العمر رحله واكثر العمر لحظات
‏فيها اماني امنيات ورجاوي

‏لاحد يقول ان المفارق بالاوقات
‏الوقت وقتك والمشاعر هقاوي

......

‏حاولت لين ازريت انا اكافح الجرح
‏ساعة لفاني مـن حبيبن نصحته

‏وضحتله ما أريد واوجزت بالشرح
‏وجاني يعـانـد كني اللي فضحته

‏فكري يقول ابعد وخلك قوي صرح
‏ونفسي تقول ارجـع بعد ما جرحته

......

‏جيتك من الماضي مواجيع وجروح
‏جيتك وقلبي راس مالة جروحي

‏جيتك تسابق خطوتي نزعة الروح
‏جيتك قبل لاياخذ الموت روحي

.....

يا حبيبي والمحبة بدايتها سؤال
‏والنهاية قسوةٍ تكسر الغصن الندّي

‏والذي فضل جمالك عَلى كل الجمال
‏ أنك اغلى من عيوني ومن دم جسدّي

‏معك جربت الهداية وجربت الظلال
‏ قلبي أعلن لك ضلاله وعقلي مهتدّي

‏أخذني من واقعٍ ما عرف قدر الرجال
‏ السنافي فيه يغصّب عَلى شور الردي

‏يمدحون اللي يعْبد المناصب والريال
‏ومن كفى شره وخيره يقولون أجودّي

‏عن ضجيج الناس والمجتمع جاني جفال
‏كنّ ما ذولا بـ ناسي ولا ذي بـ بلدّي

‏والهروب أحيان نوعٍ من انواع النضال
‏ لا وطّت رجلك طريق الضياع السرمدّي

‏ جيت محتاجك وفيني كلامٍ ما يقال
‏ اتعززّ وارفع الصوت وامشي واعدّي

‏حطني في وجه حضنك من صدوف الليال
‏تايهٍ لا اخطيت من ضمتك وين أغدي

‏مستعد أبيع عمري لاجل كلمة تعال
‏في رجا ليلي وصبحي و ريحة معْبدي

‏والعيون اللي هدبها ينادي للقتال
‏صوّبتني بـ اللواحظ و بيّحت جهدي

‏وأن شعرت بيوم في حبنا بـ الابتذال
‏ ردني لأول جروحك ترى صبري مدّي

‏غبّ على كيفك وانا بين هَقوات الوصال
‏اتحرّى لك وروحي عَلى راحة يدي

‏و اكتبك بشعر والشعر دوامة خيال
‏يتّضح فيها بعيد المدى والمبتدّي

‏وكاني مارويّت الأسماع بالسحر الحلال
‏طحت من عين الثريا ومن عين الجدّي

......

‏لحفي صدرك ترا برقه شعاني
‏كل صبح ينوض وعيوني تخيله

‏ودبلي لبسك عليك بلبس ثاني
‏لا تموت عزوم قلبي يا جميله

‏كنت بثقل غير ضيعت اتزاني
‏واستخف القلب عندك يا ثقيله

‏علّمي صدرك ليا منه لقاني
‏لا يضيّعني وانا اسوى لي قبيلة

......

‏انتي اطهر ذنب واجمل غلط واشجع قرار
‏حطّك الله في ليال العمر ليلة قدر

‏الهزيمة في عيونك بطعم الإنتصار
‏من يقاوم سحر عينك ورمشك لا خدر

‏مادريت إنك مسحتي دموعي بالخِمار
‏لين قالت رعشة إيديك يامجنون إدر

‏إدفنيني في بياضٍ نشع فيه الخمار
‏عاشقٍ فارق حياته على مفرق صدر

‏لاصرت مانت بكفو لاتدق لي صدرك
‏يعوضني فيه صدر الجادل الطرقا

‏اللي لو اقول يازينك وياندرك
‏خلت معاذيرها وغنت مع الورقا

......

‏هذا الصــباحُ جميلٌ
‏وأنتـمُ مِنْـهُ أجمَـــلْ

‏قد جاء يحمِلُ بُشرى
‏ووجــهُـهُ يتـهَـــــلّلْ

‏فصــافحــوهُ بِعَــزْمٍ
‏حِينَ اســـتهَلّ وأقبَلْ

ذائقة