فوق هام السحب ( الشعر الشعبي) على متن القوافي

‏الطـــيب للانسـان مــثل المـــناعه
يستخدمه لمكافحة بعض الامراض

واكــبر مرض واجب علينا انـتزاعه
الحقــد والغيبه وتشــويه الاعراض

......

ماجيت يم السوق لجل اتشرى
‏لا والله الا ضاق صدري ومليت

‏تاخذني الضيقة من البيت برى
‏واليا طلعت أرضى على ضيقة البيت

......

انا وصلت لمرحلة ما ابي شي
‏والمرحلة هذي ختام المراحل

‏لا باكيّن ميت ولا راجيّن حي
‏ولانيب متحسف على كل راحل

‏شفنا وعفنا وانتهت رحلة الغي
‏ماعاد به مركب ولا فيه ساحل

......

اما تسابقني على العز والطيب
‏والا معي يا صاحبي لا تردى

‏فلا تدوّر من ورانا عذاريب
‏حنا نشوف أهل الردى وانتعدى

......

الناس واجد واقرب الناس مني
رجلٍ يبادلني الغلا والحشيمة

شخصٍ ادور له عذر لا عزمني
وشخصٍ اجيه بلا اتصال وعزيمة

......

ياطير وسّع خاطرك فوق الاشجار
واصدح بزينات اللحون الجميله

لو بالخواطر ضيق واحزان واسرار
الصبر غايات النفوس النبيله

......

صبرنا وكافحنا ولابد ماتفرج
وتشرق لنا شمس الأمل بعد ماغابت

وضاقت وشانت بس لابد من مخرج
يزيل الهموم اللي على القلب تترابت

واذكر سنين الويل ايام كنت احرج
وقول الله لله كيف الايام وش جابت


......

‏بعض السوالف وقعها يدمغ الراس
من ناس ترفعها عن الشك والريب

والضُلم جمرة والأمل يقطع الياس
والحقد آفــة والنميــمة عذاريـب

......

الا يالله انــي طالبن طاعتـك ورضاك
وعلم ليا ذكروا هل الخير نذكـر بـه

انا في رجا عطفك وانا ملتجي لحماك
تفرج همـوم القلب يافارج الكـربـه

إلياذعذع الغربي وحرك غصون الراك
وناح الحمام وعالي الصوت يجهر به

تنهت مثل المضرم اللي لقا التمباك
تنهت صويب ٍمونسٍ لكزة الحربه

......

الا ياوجودي وجد بدوٍ حداها القيض
تحرا الربيع وطوّل الوقت ما جابـه

خذلهاخبير الطقس واعلن قدوم الفيض
والاقدار عيّت والتوقع فلا صابه

......