فوق هام السحب ( الشعر الشعبي) على متن القوافي

ناس ليا من طحت لفاظة انفاس
وناس طواري طيحتك تحتريها

‏خلك حديد إن ثقلوا ضربة الفاس
تراك لا خشبت بتروح فيها

....

‏تـجمّل وجامل واكـرم ولاتـشاور ضـيف
وخـلـك عـلـى صـكات الاقـدار مـتقوي

ومـن لا يـقدر حـاجتك والـزمان مريف
اجل لونصيته في الدهر ويش بيسوي

....

وقت اللوازم ينكشف وجه الصديق
وتبين وقفة صاحبك والمستوا

أما حسبته بالفعل نعم الرفيق
وإلا طلع راعي سوالف بالهوا

....

‏شـكيت بُعـدك واحتواني حضـورك
من غير مدري صرت عايش بذكراك

والعين عاشـت مع طيوفك ونـورك
والبـال عندك والمشـاعـر تـمـنـاك

والروح باحسـاس المحـبـه تـزورك
تمسي على حبـك وتصـبح بـرجواك

....

‏لاعاد تنشدني ورّا خاطرك شين
‏بالله خل اللي بصدري بصدري

‏ انا ادري انك يارفيقي حمر عين
‏ ولاتنشد الا كود من زود قدري

‏ غير الزمن يومي بنا يسار ويمن
‏ وانا تصدد منّك مبغاك تدري

‏ دايم نقول ان تالي الوقت بتزين
‏وان كان تبغى الصدق والله مدري

....

‏ِ
‏عليك السلام ورحمةْ الله والـرضـوان
‏ياقلب ٍتعب وأخفى عن العالم أوجاعه

‏يذوق الألم ومكابد الـضـيـق والأحزان
‏ولا يـشـتـكـي لـو تلـوي الضيقه ذراعه

‏توشح بصبر أيّـوب والصمت له عنوان
‏ولا غـيّـرت ضيقات الأيـام بـ أطبـاعـه

....

‏مثل نور الصبح لامزّع خيوط الظلام
‏الحقيقه في دجى الزور نارٍ تشتعل

‏اجتماعٍ مايجي فيه تقوى واحترام
‏كان جاله رايق البال عوّد منفعل

‏الظروف احيان سمحه وممشاها تمام
‏وفي بعض الاحيان عوجاً مثل قرن الوعل

‏ينخفض سعر المواقيف في سوق الكلام
‏ويرتفع سعر المواقيف في سوق الفعل

....

مرحبَـا وانت المبدّا والمولّا
‏عند من عينه لزلاتك ضريره

‏يوم جيت وحظي المعثور ولّا
‏الله اللي حط في يدينك مصيره

‏انت ربي خالقك من نور ولّا ؟
‏طحت من سابع سما فالمستديره

....

يا مالك ٍقلبي وعيني تراعيِك
‏لبّيت قلبي يوم هاض بغرامك

‏احترت من زوُد الغلا وين اوديك
‏حتى عيوني ما تليق بمقامك

‏والله لو صدري يضمّك ويحويك
‏لجعلك فوق القلب تبني خيامك

....

‏الكرم والطيب مايعرف الا الطيبين
‏والردي ما احدٍ يبي لاغداه ولا عشاه

‏الكفو مفتوح بابه على طول السنين
‏والردي ماينفتح بابه الا في عزاه

....