فوق هام السحب ( الشعر الشعبي) على متن القوافي

‏ِ
‏الصمت حكمة والمجادل وجع راس
‏والمســتريــح اللـــي كـــلامه مقنن

‏ما يتعب اعصــابه ولا يزعـــل الناس
‏يخـــتار مــن ذرب الحكـــي ويتفنن

‏هرجــه ومنطــوقه على عقله قياس
‏ما هـرجـــة العقّــال مـــثل المجنن

....

‏سيدي .. ماعاد عندي كثير ولا قليل
‏هانت النفس العزيزة لجل محبوبها

‏استبح حرمة غروري جعل عمرك طويل
‏والجروح الي تجي منك في ماجوبها

‏إنهـزمت وقلت احبـك وهذا أكبر دليل
‏مايهزم أكابر القوم غير قلوبـها

....

‏رجع على طبعه وعفته وصديت
‏طبع الردي ما يستحي لو حشمته

‏جاني بوجهً غير وجهه وهليت
‏هقيت فيه الطيب واثري ظلمته

....

‏الليلة الحزن لو شفته يبين عليك
‏ما عاد عندي مشاعر قابله للبذل

‏عادي لو اعيش جرحٍ من فعايل يديك
‏ولا اني اعيش اصايد شف قلبٍ نذل

‏على مشارف حدود الياس مت احتريك
‏و تركتني لجل كلمه في طرفها عذل

‏لا عاد تمّل على قلبٍ جرحته يجيك
‏خذلت لك واحدٍ ما يستحق الخذل

....

صاحبي مني و انا من صاحبي
ما تفرقنا الشدايد و الصعاب

إن ضعف عزمي و قف لا جانبي
و اسنده و احميه لو حد فيه عاب

واجبه نحوي و نحوه واجبي
من فزع ما جف ريقه و اللعاب

....

‏يالله توسّع خاطري دامني حي
‏وتجعل هناي وراحتي في صلاتي

‏يارب مابي خاطري يكسره شي
‏ابيك تسعد ما بقى من حياتي

....

النيه الطيّبه مــن طيـــب منبعهـــا
وكلّن على قدر طيبه يسرج خيوله

مـثل القصيده يدلّـك طيب مطلعها
عنها وتبقـى بكل لسان مقيوله

....

‏أحرص على الكلمة والمنطق الزين
أكسب رضا نفسك ولاتجرح النـاس

بعض الكلام أثقل من الهم والدين
يقطع غصون الود والغصن حساس

....

مرحبا يا نادر الوصف يابو المُغريات
‏انت مخلوقٍ من تراب ولا من زهر

‏ينكتب في قدك الزين عشر معلَّقات
‏ومن زعل يزعل وجعله يطق من القهر

‏ووجهك المملوح يحرق كروت الفاتنات
‏والعيون الناعسه حسن ولا من سهر

....

ابوك في صغرك على العز رباك
‏على امل توفي له الدين كله

‏ان كان ما رديت له بعض ماجاك
‏على الاقل في سمعتك لا تذله

....

‏