فوق هام السحب ( الشعر الشعبي) على متن القوافي

وقتي يصارعني بحدب السيوفي
وأصارعه لوو ما معي خيل وسيوف

يا كبر هقواتيي ويا كثر خوفي
تدفعني الهقوة ويمنعني الخوف

واللي حدانيي عن مرادي ظروفي
صرت أتنازل عن حقوقي وأنا أشوفف

....

‏الذيب لآ منه عوى قعّد اموآت
‏والكلب لآ منه نبح بحّ صوته

‏بين البشر تفرق مقآمآت واصوآت
‏آحدن تشيله فوق وآحدن تشوفه

....

الله خلق والله فرق بـين هالناس
والله جعـل فيهم سمات ومواري

فلا تـنزعج لاشفت لك ناس انجاس
لولا الردا ما بان للطيب طاري

....

انشهد ان الحرب في الميدان من حرابها
والخيل قد قال العرب والبدو من خيالها

القوم تبغا تقهرك لا تستفز اعصابها
ولاتغوص دروب لن تصبر لحر اهوالها

....

يا صاحبي ما كل رجّال رجّال
والمَرْجلة ماهي بعمْر وتجارب

يا كَم صغيرن ماعلى راسه عقال
إذا حَكى سكّت طوال الشّوارب

....

اللي يبي درب الجمالات يتعب
درب الجميل اليوم عسرٍ وكايد

وقت الرخا ياخوي مافيه خوه
لا صار مَ أنت بخوي وقت الشدايد

الأيام واجد والليالي طويله
وباقي من أيام السعاده شرايد

لا صار وقت الحر ماذقت نفعك
مابغيك لاهبّت نسيم البرايد

....

‏لا صار وقتك صعيب ومرتكز عجه
‏ضحكتك بوجه الليالي القشر يزعجها

‏اطعن بلاوي الدهر بالضحك والسجه
‏واضرب برجلك دروب العز واسهجها

....

‏حي الولد لا جاك في راسه عناد
و أبوه في حب الرجال مولعه

خير من اللي قد بلغ سن الرشاد
و أمه لي هالحين ما غير تدلعه

....

‏الكيف والذود والفنجال والدله
‏أربع يحكمن علينا في بداوتنا
‏،
‏والضيف والجار والاسلام والمله
‏أربع يحكمن علينا في مجالسنا

بقلمي

‏مع فعولنا تكبر هقاوي ويقنب ذيب
‏وعلى الموقف الصامل ندسّم شواربنا

‏تتوب الرخوم من المراجل وفعل الطيب
‏وحنا على كسب النواميس ما تبنا

....