فوق هام السحب ( الشعر الشعبي) على متن القوافي

‏صحيح الخطا وارد لكن الأسف مطلوب
مهوب عيب لازليت ثم جيت متأسف

لكن لاتحاول تلبس الثوب بالمقلوب
تزيد الخطا ب عناد وتصير متحسف

....

مالك ومال الناس ياناقد الناس
فكر بـ نفسك والمخاليق دعها

لولا اختلاف الناس ماصار اجناس
الله خلقها وانت مخلوق معها

....

عادك إلا صغير، عادك إلا صغير
بدري عليك الهوى يا جرح ماله دوى
يهد قلب الكبير وش عاد قلبك

بحر المحبه غزير، بحر المحبه غزير
قليل من قد نجا منه تعدى رسا
خاطر بحبه كثير، اضعف حبك

الجمال المثير الجمال المثير
ما هو مقاييس لا له لهل المحبه
ولا حتى يحرك ضمير، يا زين فهمك

يا غبى من يسير يا غبى من يسير
على دروب الهوى ولا انجرح وانكوى
ولا تحدى المصير ياخس مسلك

خلي منهو خبير خلي منهو خبير
يغزي كما من غزى مالك وللحب إلا عادك صغير
قف عند حدك.. عادك إلا صغير
قف عند حدك

‏ما هو حرام أقول أحبك برمضان
أي والله أحبك مـثـل بـاقـي الشهور

إن كـان حـبـك ذنـب يـا نـور الزمان
أقـول أنـا أحبك وأقـول الله غفور

....

تسامحي والخطا مقرون بالنيّة
الناس لولا الزعل وشلون تتراضى

أن كنتي اكثر بنات الأرض حنيّة
أنا اكثر انسان يتحمّل ويتغاضى

....

عيت قوانين الكرامه تقبّلك
نعطيك فرصة دور ثاني وترسب

إن كان غرك من يجامل تعاملك
حنا منعنا طيب مبدأ ومنسب

دامك على هالحال قفل تواصلك
من لاحسبنا ارباح ماعد مكسب

....

والله لاجازي راعي الصد بالصد
واصد عنه وكنه ماهو بموجود

اول معه امشي الى ابعد الحد
واعطي وفا واخلاص ماهو بمحدود

لكن لقيته ما يبادلني الوود
يجزي العطا مني بـ نكران وجحود

باب انفتح بـ هموم واليوم ينرد
مافي بقايا الأمس يا وقت لي زود

....

أعوذ بالله من نفسي وشيطاني
يوحشني الليل وتروعني الزيله

لابه سكينه ولابه جو روحاني
حتى لو اخذت تسبيحه وتهليله

ما عندي الا القصيد يترجم احزاني
اصرف شعر واعتصم بالله واشكي له

....

أحذر تجامل كلمة الحق قلها
لاخير باللي عادته يخفي النور

ترى الخطيه خاسرن من فعلها
ولابيض الله وجه من يشهدالزور

ناسٍ تشوف الطيبه في عملها
تلقى لها فعلٍ به الخير مذكور

وناسٍ بها تقصير ماكثر جهلها
ماتسمع الناصح ولا تقبل الشور

....

يامِوعد عبادك بماكتب فاللوح
نصرٍ تساعدنا عليه العوامل

لطفك بـ دارٍ كل سكّانه تنوح
وأراوح الاطفال ودموع الارامل

إن جيت أعبر ماتتمتم به الروح
ماساعَدَت على الشعور الأنامل

الغصّة اللي كانت تمرّ وتروح
صارت تمرّ وتاخذ اليوم كامل

....