فوق هام السحب ( الشعر الشعبي) على متن القوافي

ياصاحبِي هوّن عليك كل الحياة مُغَادِرَة
ياصاحبي هاتِ يديْك إن القلوب مُسافرة

ياصاحبي مهما بكيتْ كل المآسي عابرة
ياصاحِ دنيانا طريق والعيش عيشُ الآخرة

....

أبعدت عن ناسٍ بلا احساس وشعور
من بعد ماشفت الخطا في عيوني

ماني على اللي يوجع الراس مجبور
راسي عزيز ويرفع انـه امتوني

صبرت لي عدّة سـنوات وشهور
لكنّهم على الرحيل اجبروني

ماني مسامحهم على الشك والزور
الله يجازيهم مثل مااظلموني

....

فاقدك والكون بغيابك كئيب
لا أحد قبلك ولا بعدك أحد

عفت خلق الله من بعيد وقريب
وأعتزلت الناس بعدك للأبد

كل واحد صار بعيوني غريب
مافقدتك كن فاقد لي بلد

كان همي في حياتي لاتغيب
الحياه بدون ضحكاتك نكد

ماني أول شخص فاقد له حبيب
بسّ بـغيابك أنا أكثر من فقد

....

مشينا علي درب المعزه ونهج العود
وفي مدرسة شيخ المراجل تعلمنا

عسي الله يبعدنا عن العيب والمنقود
وعسي الله فعيون النشاما يجملنا

....

‏صابر على مر الليالي والاقدار
ما في يدي حيله ولا لي وسيله

عليك ياللي عالمٍ كل ماصار
يالله عوضني حياةٍ جميله

....

اللي نسى قدر الصداقه نسيناه
والله يسامحنا ويخلف تعبنا

وان مر له طارى وسيره مدحناه
ما هو من طيبه لكن من ادبنا

عزالله انا فالشدايد عرفناه
وصداقته ذنب ومن الذنب تبنا

يوم انها طيب ومواقف غلبناه
ويوم انها كذب وضعافه غلبنا

....

برموش العيون لجلك كاتب اني
وصرت راوي بمحبتك كاتب اني

لون تدري على كلبي اشكاتب اني
عهد ماأنساك صدك للمنيه

شعر عراقي

حلوة المحبه صافية بين اثنين
مثل الجرس بالقلب تسمع رنينه

احبك لو أنك بعيد عن العين
دام المشاعر في غرامك رهينه

الحب عند الناس كلمه بحرفين
والحب عندي له معاني ثمينه

وشوقي انا ياناس ماله موازين
مثل البحر لو هاج تحت السفينه

....

على الله والانسان يتعافى من الأزمات
لو النفس تفنى قبل تقضي عوايزها

تعيش الأوادم كلها في عنا واثبات
وتسعى ورى غاياتها لين تنجزها

والاهداف كل اللي بعدها من اللذات
ما يشبه متع لذّاتها قبل تحرزها

عسى نفسي اللي بين الأحلام والغايات
ما تفقد شعور الكلمة اللي تحفزها

تساميت بـ اسمٍ منه الأيام ما تقتات
وروحٍ عليها ملبس الضعف ما يزهى

على كثر ما مرت علينا من العثرات
يا كثر الظروف اللي عبرنا حواجزها

أعذر الجريح إن راح عمره على ما فات
الانفس هواها مرتبط في غرايزها

عليك المشاعر ثايره يارفيق الذات
احاسيس ٍادنى ما يجيها ينرفزها

انا كنت اسامح واتغضى عن الزلات
ما اعيد النظر في كل صوره وأبروّزها

تجاوّزت قبلك كل صدمه من الصدمات
وهالحين كلمة ما قدرت اتجاوزها

....

ليّت العمر مسجد والأيام ركعات
وياليتني لاتبت ما أعيد ذنبي

مهما تجرب من شعور الملذات
مافيه أجمل من شعور المصليّ

....