فوق هام السحب ( الشعر الشعبي) على متن القوافي

انت الذي عمري بدونك ولاشي
انت العروق ونبض قلبي والاحساس

انابدونك لآ حشا ماني بحي
روحي معك دآيم وجسمي مع النآس

....

عذرك معك لو كان ودك تنسحب
ما توجع الفرقى بعد موت الشعور

بتغيب غيب أبشّرك صدري رحب
ما عاد تفرق بالغياب و بالحضور


على كثر ما كنت احبك صرت أحب
آخر لقى و آخر وعد وآخر ظهور

....

أنا مسائي غير كل المسائات
مساء شوق وحب وورد جوري

أنثر ورودي فوق كل المساحات
لو غبت وردي نائب عن حضوري


....

ان كانت الفرقى تريح ضميرك
انا ضميري بالجفا كيف يرتاح

ماعاد لي رغبه على حب غيرك
حتى لو انه يملي ايامي افراح

كرمت ودمت وكثر الله خيرك
على كثر ما زدت في قلبي اجراح

ذائقة

‏شحت بك الدنيا وانا حيل محتاج
ودنياك ماتقضي للاجواد حاجه

احتاج لك حاجة سجينً للافراج
اللي صدر حكمه وعكر مزاجه

واحتاج لك حاجة غريقً بالامواج
يرفع يده والموج ضيع خراجه

احتاج لك والموت من دونك احراج
دونك غيوم الوقت تصبح عجاجه

....

أنا حبيبي لارمى الصيد ما أخطاه
أكحل له اعيوني وأفك الجدايل

خلي عفيف ويعشق أربع بدنياه
أنا وذوده والقنص والجمايل

....

أخترت روحي في زحام العلاقات
وقويت مع روحي تفاصيل روحي

لا أحاتي الآتي ولا اندم على الفات
أتبع خرايط رسم ربي بـ لوحي

الوجه واحد ما اختلف بالتلفات
يشبه بصدقه واعتباره وضوحي

ما عاد يغريني جمال البدايات
انا النهايات الجميله طموحي

....

فمان الله ياحبِ وقف ما كمل المشوار
عرفــنا مـفرق الدربين ما يحتاج تكميلة

بقت بـس المعزه بيننا مـا كـن شي صار
وصرنا اغراب عقب الود يادنيا من انتي له

فمـان الله ياقصـة غـرام اصبحـت تـذكار
صنعها الحب في لحظة ولا كمل تفاصيله

....

من تخلى عنك في وقت اللزوم
لاتحطه صاحبٍ تشره عليه

دام ماهو ساعة الفزعه يقوم
خاب ظنك ياطويل العمر فيه

وش يفيدك بالسوالف والعلوم
وانت ماحصلت حاجه لو تجيه

مثل ليلٍ فيه ياكثر الحلوم
والنتيجه مالقيت اللي تبيه

....

‏مابين الحب والغيره وكثر اللوم
دعيت اللي جمعني بك ما يبعدنا

معي قلبٍ كثر ما يعشقك مظلوم
صبر لـ اجلك لو العذال تحسدنا

لا عانقتك وانا من ضمّتك محروم
تحدّيت الليال اللي تعاندنا

احبك والمسا ما هو مسانا اليوم
انا اللي فاقد شلونك وفاقدنا

....