فوق هام السحب ( الشعر الشعبي) على متن القوافي

يمرنـي واشتـاق واسـكت واخليـه
‏اخـاف مـن بعـض المـهابيل تـدري

‏مدام اهو يدري عن القلب وش فيه
‏ما فيه داعي ابدي اليوم عذري

....

‏شفت الفجر مع طلعة النور ضاحك
‏قلت الأكيد إنه لمح بسمتك لمّح

‏مدري صباح الخير وإلا صباحك
‏بالحالتين الخير في وجهك السمح

....

‏لو ما شعر قلبك بلهفة مكاتيبي
‏ليه أشقي القلب في نجواك وأضرّه

‏موتّني هْيام خلّ الناس تدري بي
‏وأحذر تغيب وتموّتني من الحرّه

....

‏

‏قالو تحب وقلت يا ناس حبيت
‏كثير لاكن فيه واحد لحاله

‏معاه أنا في قيمة الحب حسيت
‏وأنا احسبنه طيش وقت وجهاله

‏هذاك لامن سج عني وسجيت
‏يمر في بالي وأنا امر باله

‏اليا اتصل من غير موعد وتوقيت
‏استبشر بفرقاه حزت وصاله

‏ماني بشارح قصته في شطر بيت
‏طيفً من الواقع تسابق خياله

....

‏يقول الشاعر الكفيف
طالب الصعّاق
مخاطباً معشوقته :

‏أخذي حياتي لكن أعطيني الوعود
‏إنك لو يطول الفراق بترجعين

‏الله خذا عيوني وجابك يالعنود
‏تكفين لاتوخذ عيوني مرتّين

‏بعض العرب ودك تحطه بجنبك
‏وبعض العرب ودك تحطه على جنب

‏وبعض العرب شوفه ينسيك ذنبك
‏وبعض العرب شوفه يسبب لك الذنب

ذائقة

طبعي كذا من فضل ربّ العالمين
‏قناعتي تفـرض عليّ حقوقها

‏لو ارسم البسمة على وجه الحزين
كنّي ملكت الأرض واللي فوقها

....

‏أسامر طيوفك كل ماغابوا السمّار
‏مع إني وحيد شلون ما آحس بالوحدة

‏ورى كل بسمة فاتنة تلفت الأنظار
‏عليها المشاعر فآخر الليل متحدة

‏حبيبي لاتخشى ضيعتي والحياة أقدار
‏ضياعي حقيقة عمر ماهيب منجحدة

‏تبيها وصل ولا تبيها فراق اختار
‏أنا ما قدرت أختار منها ولا وحدة

....

‏مصير الأيام تكشف لك كنين الصدور
كانك تشوف الوجيه وتجهل قلوبها

قلبك دليلك ليا اشتبهت عليك الأمور
لا تقرب اللي يجيك الشك من صوبها

....

ماعاد تنفع فيني اعذارك
‏شكراً على جرحك ولاهنتي

‏خذاك غيري جعله مبارك
‏خانك ذكائك لو تفاطنتي

‏من كان حوله ناس واختارك
‏ماهو مثل من ما لقى الا انتي

....