فوق هام السحب ( الشعر الشعبي) على متن القوافي

‏جعلني ما أندم على شي تركته
والله يجعلها مع الأيام خيره

وجعلني لاتبت عن شي وخسرته
يرزق الله خاطري في شي غيره

....

‏فمان الله يانبض المشاعر و أول الخلان
فمان الله يا أول من طلب قلبي ومديته
َ
عساني منك اعيّن سجة السالين والنسيان
ولا اكرر خطاي اللي قبل عام سويته

....

‏ياصاحبي في وقفتك كيف اجازيك
‏وانا ادري انّك ماتدوّر عوضها

‏مايجعل الأحرار مثل المماليك
‏إلاّ معاريف الرجال افْبعضها

‏
عكاش العتيبي

يالله بحظٍ يطيب العمر من طيبه
‏يجبر كسور الزمن ويشيل عثراته

‏من طاب حظه تحقق له مطاليبه
‏يمشي معاه السعد في كل خطواته

....

‏ماهمني حكي الخبول الملاقيف
‏قدري واعرفه فوق ذيك السحابه

‏راسي من العزه طلوعه مشاريف
‏وورثي شموخ الطيب طاري ولابه

‏حبك لفاني ضيف واسرفت برضاه
قدمت له طيبي وصفيت جوه

على يسار القلب حطيت مركاه
وعلى يمين القلب شبيت ضوه

....

‏بعض البشر يكفيك منه كلامه
فيه الأدب والطيب زايد والأخلاق

يفرض على كل العباد احترامه
وينطبع قدره في اعماق الأعماق

....

إصـبر إلى ضاقت عليك الوسـيعـه
وادخل على اللي ما يخيب الرجا به

خـل الرجـا بالله لـنفسـك طـبيعـه
مـا قـفّــل الله دون راجـيـه بــابـه

وارفـع كفوفـك لـه بنفسٍ مطيعـه
يـمـكـن تـوافـق سـاعـةٍ للاجــابـه

....

‏لبيه ياللي غلاك اتنفسه فيني
لبيه من قلب ماحدٍ يملكه غيرك

لبيه يا نبض قلبي في شراييني
لبيه يا كثر حبي لك وتقديرك

....

‏يا كبر حبك داخـــل القلـــب كبـــراه
عن كل قدر ومنــزله منـــزلك فـــوق

لــو قيـــس حي أراهنــــه وأتحـــداه
كنّي مـن العشـــاق ماني بمسبـــوق

من كثر ما حبك وصل عندي اقصاه
صعبــه عليّ اقارنــك بــأي مخلــوق

....