فوق هام السحب ( الشعر الشعبي) على متن القوافي

‏استغفر الله كل مادق قلبي
واستغفر الله كل ماترمش العين

يـالله تغفرلي ذنوبي ياربي
وتغفر ذنوب اللي معي قالو أمين

بقلمي

‏إنس الهموم وبدل الحزن بـ افراح
إضحك وثقل الهم بالصبر تقواه

هلل وكبر واذكر الله ياصاح
محدن في هالدنيا نصيبه تعداه

بقلمي

‏ياللي تحاول تصـد وتعلـن الصده
اصبر وهاك الكلام اللي على بالي

ان رحت مانجبر الرايح على الرده
وان جيت غالي مثل ماكنت يالغالي

...

‏تمطـــر مشاعـــرنا مــن الود مالاق
لاهـل النفـــــوس الطيبــة والانيقة

اللي غلاهــم في صميمي والأعماق
ومكانهم وســط الخفـوق العميقه

يسعد صباحكم بالمحبـه والاشواق
واطيب ورود الكون واجمل رحيقه

خطيتها مــن هاجسي فوق الأوراق
مني لكم يا اهــل القلـوب الرقيقه

...

ارفــع مـقـامك فـوق لاتـقبل الـهون
يـالـلي تـبـي درب الـشرف والـمعزه

خلك مع اللي دوم بالطيب يمشون
ومــــن لايــعـزك بـالـعـرب لا تــعـزه

وليا طلبت اطلب رضا خالق الكون
وصَـلْ الـفروض الـواجبه كـل حـزه

ولا تـصـير بـغـيبة الـنـاس مـفـتون
والــرجــل كـلـمـة جــاهـلٍ مـاتـهـزه

...

علي يشهد الله مايوصف غلاه شعور
تعدا غلاه حدود الإدراك الإنساني

لا اقبل علي كأنه لقلبي يزور
انشهد انه سكن قلبي وشرياني

....

‏الله يـعين القلب لا ساقه الشوق
صوب الـديار اللي سكنها وليفي

الصدر من كثر الهواجيس مخنوق
والوقت ماجاني على كيف كيفي

...

‏لو كانت اعرافنا ماتشبه اعرافك
المعطي الله عطاك الملح والقبْله

حتى لو المعتمر في طوفته شافك
ضيّع طواف الوداع وضيّع القبلة


....

‏صديت عن بعض المخاليق بالعمد
‏لاهو كبر مني ولاهي حماقه

‏لكن بعض الناس يالله لك الحمد
‏ما فيه امل معهم تدوم العلاقه

....

‏الشعور المختلف دايم معاك احسه
ينعكس في وجهي و حلو الكلام اللين

أنت حبك لو ورى حدب الضلوع أدسه
لاضحك وجهي سعادة والله أنه يبيّن

....