فوق هام السحب ( الشعر الشعبي) على متن القوافي

عندي سؤال ومن له القدره يرد
وش رايكم في شخص يترك اخوته

هل هو تكبر يوم انه يبتعد
او هو اناني منخدع في قوته

بالله قولوا رايكم وش تعتقد
هل هكذا ربوه اهله واسرته

....

من خبر للحب دكتورٍ مداوي
من عشير حط وسط القلب كيه

لعنبو ترف الحشا ماهوب ياوي
قاسيٍ قلبه ولا به مرحميه

صاحبي عرض على قلبي مكاوي
ما سقاني من شفاياه العذيه

واحدٍ دايم يرجوي بالعطاوي
هو يمنيني ولا شفت العطيه

....

‏يمكن عنيده لكن اعشق عنادي
‏عندي ثقه بالنفس والاساس موثوق

‏الله خلقني للقيم والمبادي
‏أعرف حدودي واحترم كل مخلوق

....

‏ياليت إلي بالبنك اربع ملايين
‏واربع عماير كلهن بالعليا

‏واربع حريمٍ كلبوهن مزايين
‏ارداهن اللي مثل نجم الثريا

....

‏ماني مفتش في خفا كل مدسوس
‏ولاني براعي صحبة مالها ساس

‏خذيت من وقتي تجاريب ودروس
‏وعرفت وشلون اتعامل مع الناس

....

‏توسعوا يامدورين المشاريه
‏خذوا من ارض الله شبر واتركوني

‏من يسمع اول هرجكم عاف تاليّه
‏لكن قبل لا تسترشدون أسمعوني

‏رضاكم الله لايحييه ما ابيه
‏والبعد عنكم مايحرك شجّوني

....

لاعادها ظروف تاخذك ولا عاده فراق
الفرحه تشح والضيقه تجي تدهر

والله من رحت والروتين ماله مذاق
الصبح ماينقعد والليل ماينسهر

....

‏يكفيك عن بعض الردود ابتسامه
‏والرجل ماكل السوالف تهزه

‏ناسٍ تعاملها بقدر و كرامه
‏وناسٍ تجاهلها لنفسك معزه

‏المحترم يفرض عليك احترامه
‏وترفاه عن شيٍ بنفسه يحزه

‏والمجلس اللي ماينومس مقامه
‏عجل بفنجالك وكرّم وهزه

....

‏متابعيني كلهم قمة الذوق
من حبهم حتى التواصل هويته

اناوهم تشبيه عاشق ومعشوق
وغلاتهم داخل خفوقي بنيته

هذا كلام القلب من كل الاخفوق
من قلب صادق بالمحبه حكيته

ارسل لهم حبي مع كامل الشوق
لكل غالي في حياتي هديته

بقلمي

‏انشهد ان الوقت هذا تغيّر
‏ياراحت الميت ويابلشة الحي

‏حتى ولو جيت ابن عمك مسيّر
‏قالو ترى ماسير الا يبي شى

....