فوق هام السحب ( الشعر الشعبي) على متن القوافي

لأجل عين اللي على عيني يمون
العيون احرمتها حلو المنام

ساهرٍ بين العواصف والسكون
والمودة نارها برد وسلام

انتقي عذب المعاني واللحون
وانظم لعينه طواريق الغرام

....

مؤسف إنّه على قلبي وقلبه يجور
ومحزن إنّه قريب وما قدرت اقربه

باروا الناس واللي ماهقيته يْبور
سرّه البعد والصوت الحزين اطلبه

....

‏شوفتك قربي تسعد القلب والروح
‏والوقت قربك ربح ماهو خساره

‏انت الهوى لانفاسي والعشق والبوح
‏وانت اعذب ابياتي واحلا عبـاره

....

‏خل عنكْ الكلام اللي يقولون عنه
البشر مايعرفوني ولا يعرفونك

ان بغيت الصحيح وهرج مافيه منّه
والله اني عجزت اعيش عمري بدونك

....

تكفون خلوني ترا منزله غير
خلوني اسلا لايجي له مجالي

قفى وعذره فوق كل المعاذير
عذره معه حتى والوغاب غالي

....

رسالتي لك....

لاتكن ذلك الشخص الذي نَسِيَ قلبه وَعاش بعقله
‏فَأصبح قاسٍ على النّاسِ وَبلا مشاعر
‏وَلاتكن ذلك الشخص الذي نَسِيَ عقله وَعاش بقلبه
‏فَعاش حياته بين النّاسِ مجروحاً
‏وَليكن دوماً قلبك صديق عقلك
‏حتى ينبض قلبك بما في عقلك
‏فَتجمع بين الحكمة وَالقوة
وَبين الرقة وَالطيبة

بقلمي

ايه انا اهواك يالخل العنيد
وحالتي من دون وصلك في خطر

كم كتبتك بالشعر وحرفن فريد
وكم نزفتك سطر واردفته سطر

....

‏مو گل صدفه للبشر تجمع احباب
ولا كل فرصه في حياتـك سعيده

يمكن يكون احيان اغلاق الكتـاب
أفضل ترى من فتح صفحه جديده

....

‏ياساعتي لو مات نبض المواقيت
‏وقت الفرح تكفين لاتنكرينه
‏
‏حنا نعيش وكننا في توابيت
‏السن يضحك والحنايا حزينه

....

ياليتني أجرح مثل باقي الناس
واكسر خواطر من كسرني واقسى

لكني من كثر ما أملك إحساس
أجبر خواطر من كسرني وأنسى

....