فوق هام السحب ( الشعر الشعبي) على متن القوافي

‏خل البشر تذكرك بالخير والطيب
السمعه الزينه رصيد وغنيمه

إن جيت تلقى المسهلا والتراحيب
وإن غبت تمدحك النفوس الكريمه

....

‏الصاحب اللي كل ماجيت احييه
رد التحايا فوق ماني متصور

لاقبل علي وقلت لبيه لبيه
يقول ياشمس الغوالي منور

هذا اللذي شوفه لقلبي مناويه
لانه يجوع لشوفتي ويتضور

غيره من الخلان مانيب باغيه
دامه معي ماني لغيره مدور

....

‏ماني موّكل على العالم ولا لي وكيل
‏الحلم في مزهبي والحمل في منكبي

‏مابين وصلٍ جميل وبين هجرٍ جميل
‏أختار منها وانا حاضر على ماتبي

....

‏إحرص على اللي كل ماقال يفعل
وابعد عن اللي كل فعله بالأقوال

وخلك مع اللي كل ماغبت يسأل
واترك رفيقن مايلقي لـك البال

....

لاتنكسر دامك على قيد الحياة
‏اللي مايذبح ينفعك لو يجرحك

‏واخسر مدام إن الخسارة ربح ذات
‏ولا تربح اللي مايحاول يربحك

....

ياصاحبي لاعاش من يتجاهلك
شرع القبائل تفتخر باصحابها

والمجد والتاريخ لاصحابك ولك
وانتم نشاما خصمها يهتابها

لوالسماء تنهار وينهار الفلك
والشمس كفّت وأشرقت من غابها

ماينقص الحب الذي في القلب لك
حتى تلاقي كل نفس ترابها

....

ياليت لو ترجع من العآم لحظاتّ
ولحظات كانت بالفرح تحتوينا

وياليتها ترجع على الوجه بسماتّ
بسمات تخفي لمحت الحزن فينا

....

‏على الهون يابرد شديد علينا اليوم
معالييق صدري كلبوها تجاريه

ترا ليلي البارح قضيته سهر وهموم
ولاني بقدك يالهبوب الشماليه

....

شابت الاحلام في عز الشباب
والصدر للذكريات اصبح قبر

....

خلّوه يحضن راحة القلب وينام
قــرا كـــلام الله ونـامت عيــونه

خلَّى لكـم كلّ الدفــاتر والأقلام
خلّـوا له القرآن لاتاخذونه


سداح العتيبي