فوق هام السحب ( الشعر الشعبي) على متن القوافي

يعجبني الصمت والقليل من الكلام
يكفي رؤوس أقلام للعالم الواعيه

يعني تفاصيل المعزه تحيه واحترام
شيمه وقيمه مثل الورود الزاهيه

....

اللي هُوانا ما هويناه مَرَّه
واللي هُواه القلبْ أَقفى ولا عاد

هذي طِباع النّاس حِلوّه ومُره
وما كِلّ إنسانٍ عّلى الكيف يِنقاد

....

ماسلمنا من سكاكين القرايب
ولا سلمنا من اقاويل الصداقه

ابشع الصدات صدات الحبايب
واشنع الطعنات طعنات الرفاقه

....

‌‎النفـــوس الكبيره تعرف اللي تبيه
ماتدور رضى العــالم وتركض وراه

من يجامل وجيه ويستحي من وجيه
راح عمـره وهو يمشـي بدون إتجاه

البس اللي يعجـبك واكل ماتشتهيه
دامك في طاعة الرحمن عيش الحياه

لاتـــروح لــمكـان الا وراحــتك فيه
ولا تجـي من مكان الا بسيره وجاه

....

‏نهيت قلبي عنك والقلب ماتاب
‏بالأمس قلبي حر واليوم أسيرك

‏إن قلت لك أقدر على البعد كذاب
‏الموت هو فرقاك الله يجيرك

....

أقبل مساك وقلت له يامساء الخير
يسعد مساك وهالمساء مرحبا به

لك الحضور المخملي دون هالغير
كلك بهاء وكبرياء ومهابه

....

‏نزعل ونرضى والخوافي عوافي
من يزعل الثاني يصونه ويرضيه

‏مانختلف والصدر عامر ودافي
‏بعض الزعل بحر المشاعر يطفيه

....

لاتحسب أنك معاهم بالوفا مخطي
من يجحد الطيب ماظنيت يتواخذ

مادام فيها بشر تاخذ ولا تعطي
اكيد فيها بشر تعطي ولا تاخذ

....

ياشينها غلطة الغالي على الغالي
‏ما عاد ينفع دواها لو يداويها

‏ياليتها من عدوي يمكن اشوالي
‏ولا اني اقدر على الغلطه واعديها

....

‏حلفت ما اندم على واحدٍ يروح
‏أغلى نفوسٍ في ثرى القبر طاحت

‏اللي يبي يرحل محلل ومسموح
‏مافيه أغلى من سنيني وراحت

....